Sunday, June 9, 2019

Paano ako naging TEACHER? Part I


Walang secret recipe sa pagiging isang guro, pwedeng naging isang guro ka dahil iyon ang napag-aralan mo noong college, pwede rin na dahil stable ang ganitong trabaho, pinilit ka ng pamilya mo, o dahil passion mo talaga ang pagtuturo. Pero paano nga ba maging effective at efficient na teacher?

Sa modernong panahon ngayon kung gusto mong pumasok sa ganitong propesyon at pumasok sa sistema dapat ay maging handa ka sa lahat ng bagay. Hindi madali ang makapasok sa Departamento, kung wala kang malakas na ‘backer’ ay kailangang malakas ang loob mo. Ang iku-kwento ko sa inyo ay base sa totoong naranasan ko.

2013, iyan ang taon na nagpasa ako ng pertinent paper para maging isang public school teacher sa aking alma matter. Labag sa loob ko ang pagpasa dahil isa ako sa pinilit ng pamilya. Pagkatapos kong ibigay ang aking contact number ay umuwi na ako para maghanda sa magiging demonstration teaching ko. Yes, dapat handa ka.






Handa ba ako sa panahong iyon? Hindi ang sagot ko. Wala akong kaalam-alam sa pagtuturo dahil hindi naman Bachelor in Secondary or Elementary Education ang natapos ko, Bachelor of Science in Biology na may education units dahil sa university na napasukan ko kaya nakapagtake ako ng board examination. Kaso, ayoko ng mag-back out dahil nag-AWOL na ako sa call center company na pinasukan ko. Hindi ko na itinuloy ang quality analyst na training ko dahil bigla akong nawalan ng drive. Heto na, kailangan kong lampasan ang unang step at iyon ay ang demo-teaching!


Anu-ano ang ginawa ko?

PAGPILI NG TOPIC
A.      Naalala ko pa kung ano ang topic na naisipan kong i-demo. Acid and Base. Topic iyan sa grade 7, K to 12 na kasi ang curriculum kaya nakapagdownload ako ng science manual sa internet at mula doon ay kumuha ako ng topic na medyo madali para sa akin. Kailangan ng research mga babies, kailangan alam mo ang topic mo. You must be books away from your students.
B.      Noong nakapili na ako ng topic ay nagsimula ng mabaliw ang inang niyo dahil kailangan kong gumawa ng lesson plan. Ano ba ang alam ko sa lesson plan? Sabi ko nga hindi ako education major, may units lang at lesson guide lang ang pinapagawa sa amin. Hindi rin ako nag-aral ng husto doon dahil hindi ko naman iniisip na papasok ako sa pagtuturo. Naghanap ako ng lesson plan template sa internet (salamat GOOGLE) at humingi ako ng tulong sa friend ko na education major para doon. Luckily, natapos ko naman siya on time! Yay!
C.      Pagkatapos ng lesson plan ay kailangan ng visual aids, feeling ko ay mag-rereport ako that time, akala ko nga ako ang pinaka-prepared sa lahat ng prepared kaso nagkamali ako. Pagdating ko sa venue ng demo-teaching ay laking gulat ko na ang mga kasabayan ko sa pagpaparanking ay kulang nalang dalhin ang buong bahay nila sa dami ng kanilang dala habang ako ay isang malaking brown na paper bag lang (mas mura kasi iyon, 50 pesos lang yata iyon). Iyong iba may mga dalang CPU, keyboard, at kung anu-ano pa.

DEMO-TEACHING
Pangalawa ako sa nag-demo dahil iyong una ay Physics major, alam niyo ba na isa sa mga naging students ko ay ang bunso kong sisteret. Mas pressure at medyo nakakahiya din lalo pa at first section iyong pinagdedemo-han ko. Sa likod ng mga students ay ang mga principals sa iba-ibang school na magju-judge kung qualified ba ako. Nakaka-nerbyos din, nairaos ko naman kaso lumampas talaga ako sa oras.

INTERVIEW TIME and ICT
Akala niyo tapos na ‘no? First step pa lang iyon, may second step pa at iyon ay ang interview. Para ka talagang nag-aapply ng trabaho dahil sa sobrang haba ng pila, nakapila kami sa labas at sobrang init pa pero kailangang magtiis. Pagdating sa venue ng interview ay may ten na tables at each table nandoon ang mga principals ng iba-ibang school, kakausapin ko sila isa-isa. Mas matindi pa noong nag-apply ako sa call center (mas madali yata iyon). Nakaka-stress din. Naipagpasalamat ko nalang iyong communication training ko noong nasa CC pa ako, it helped me a lot. Hindi man ako grammatically perfect at least nagawa kong makipag-communicate sa mga higher ops ng hindi sumasalabit ang dila.

Pagkatapos ng interview ay pinapasok kami sa ICT room, may ibinigay silang papel na may instruction. Sorry at hindi ko na maalala dahil sobrang tagal na rin. May pinagawa sila sa amin, basta ang naalala ko ay nag-open kami ng MS Word at Excel tapos may kinalikot kami doon. Actually, naalala kong hindi ko pala natapos iyong pinapagawa sa akin kaya sabi ko sa sarili ko paglabas ko ng school/venue ay baka wala na akong chance. Maghahanap na lang uli ako ng ibang trabaho. I mean I was 20 at that time and no teaching experience kaya hindi rin masyadong mabigat sa loob kung hindi ako nakapasok.

English Proficiency Test (EPT)
May nag-text na teacher from the school kung saan ako nag-apply, sinabi nila ang schedule ng EPT. Final test and yes, puro English lang. Siguro dahil fresh from call center ako that time kaya masasabi kong kahit papaano ay nagawa ko namang sagutan ng maayos ang mga test. Sobrang dami ng questions, na-enjoy ko lang ay iyong grammar and comprehension part ng test. At iyong hindi ko naman nagustuhan ay iyong may sentence tapos every word or phrase ay may underline and under sa underline word or phrase ay may mga letters. Tapos sa question ay bibilugan mo daw iyong mali doon… seriously, kahit kailan hindi talaga ako magaling sa ganoong test. Alam niyo iyong feeling mo lahat ay tama pero sa totoong buhay ay may mali naman talaga.

Hindi ko alam ang score ko sa test, pagkatapos ng lahat ng napagdaanan ko sa pagpaparanking ay malinaw sa utak ko na wala akong chance.

Zero ako sa teaching experience, wala akong recent seminars maliban noong nasa college pa ako. Hindi ko rin alam kung maganda ba ang performance ko sa demo-teaching, EPT, interview and ICT. Ang laban ko lang yata ay ang credentials at GPA ko noong college para lang magka-points.


Ano ang ginawa ko pagkatapos ng ranking process?

Bumalik ako sa totoong buhay ko, na-condition ko na rin ang utak ng mama ko na maaaring hindi ako makapasok dahil marami ang mas qualified. Naghanap ako ng ibang trabaho, nag-apply ako sa isang call center company na malayo sa dating pinagtatrabahuan ko dahil AWOL nga ako doon. Matagal ang results ng RQA, usually nalalabas ang results kapag last week ng May or first week ng June o kaya naman July until August.

July 2, katatapos lang ng shift ko at pumunta ako sa locker para kunin ang mga gamit. Medyo lutaw pa ang utak ko ng mga time na iyon dahil sa queuing talaga. Kinuha ko ang cellphone ko at may nabasa akong message.


                Good Morning, This is Mrs. @#@! from #!@qw National High School… blah… blah.. blah..


Pinapapunta ako sa school ko ngayon dahil kailangan ko na raw mag-report. Clueless. Pero pumunta pa rin ako after work, and there nalaman ko na matagal na pala daw nila akong kino-contact. Seryoso talaga? Halos nakadikit na sa akin ang cellphone ko at iyon lang ang unang beses na naka-received ako ng message from them. Pero hindi na ako nagsalita. Pinapunta ako sa Division Office para pirmahan ang advice ako. Pagkalabas ko doon ay naisip ko… “Mukhang may trabaho na naman ako’.

Sinabi ko sa mama ko ang news, sobrang happy siya pero iyong feeling ko two by two talaga. Natulog ako at kinagabihan ay pumasok ako sa CC, nagpaalam ako sa team leader ko. Huwag niyo akong gayahin pero nag-AWOL na naman ako mabuti at hindi ako hinabol. Kinabukasan ay inayos ko na iyong documents na kailangan kong icomply at ipasa sa division office. Nagpunta ako sa isang public hospital sa City para sa Psychological Exam. Nakilala ko din doon ang isang bagong hire, same school at same department. At least hindi ako nag-iisa, may kasama ako.

Pumasok na ako the next day, binigyan ako ng pwesto sa Biology Laboratory kasama ang isang tenured na rin na teacher at isang ahead lang sa akin ng one year. Tinulungan nila akong gumawa ng lesson plan dahil nalaman ng Head Teacher namin na hindi ako marunong gumawa ng LP. Hindi rin naging madali ang pagpasok ko sa serbisyo at naging struggle din ang adjustment.





Abangan sa susunod kung anu-ano ang mga naging struggles ko.




Thank you for reading everyone!



Love, 
Inang

0 (mga) komento:

Post a Comment

About Me

My photo
iamyourlovelywriter is a science teacher who loves to read, write, surf the net and EAT. She also loves to travel and just write anything under the sun that fancy her. English is not her first language, she's a Bisaya by heart and loves to write romance novels in Tagalog. Her favorite part of her updates are her A/N or Author's Note. So, her blog is more on an elongated version of her a/n, p.s, and pps.
 

The House of Ink Template by Ipietoon Cute Blog Design and Bukit Gambang