Black Magic 5 - Write Love: 7- Prologue

7 – PROLOGUE

            SA totoo lang ay hindi pa siya nakakasulat ng nobela kung saan ang isang lalaki ay sobrang weird. Well, nasa totoong buhay pala nga pala siya at sa totoong buhay may ganoong lalaki nga sa katauhan ni Hanz. Kung kanina ay kasing dilim ng langit ang mukha nito at ayaw siya nitong pansinin bigla ay bigla itong bumait sa kanya at kung kulitin siya ay wagas.

            “What?” inis na pakli niya dahil hindi niya matuloy-tuloy ang kanyang pagsusulat. Nakalipat na ito ng upuan, nasa harapan na ito ng counter at kanina pa nakapangalumbaba habang nakatingin sa kanya. May ilang pagkakataon pa nga na bigla-bigla nalang siya nitong kukurutin sa mukha. “I can’t concentrate.”

            “That’s normal, nakaka-distract naman talaga ang kagwapuhan ko. Pwede mo namang ituloy mamaya iyang sinusulat mo at pansinin mo ako.” He is obviously flirting with her. Hindi siya tanga at hindi siya boba para hindi mapansin iyon. Ayaw niyang mag-assume pero parang ganoon na nga.

            “Quit it will you?” utos niya dito.     

            May inabot na naman ito sa may mukha niya and this time kahit na samaan niya ito ng tingin ay parang baliwala lang dito iyon. He can be frustrating sometimes.

            “You are very pretty but I still prefer your normal looking self.” Tinaasan niya ito ng kilay. “You are still pretty with your normal looking self it just that with you like this, you look more dangerous.” Natameme siya sa sinabi nito. She collected herself. She refused to be swayed by his sweet words.

            “What do you want Hanz?” Nagdududang tanong niya. Hindi na normal ang pinagsasabi nito sa kanya. Ang mga warning bells sa kanyang utak ay tumutunog na at nagpapahiwatig ng paparating na hindi magandang balita.

            “You.” direktang sabi nito. Pakiramdam niya ay huminto ang pagtibok ng puso niya sa sinabi nito, parang bombing sasabog nalang kahit anong oras. “I want your attention. Come on Jada. Tayong dalawa lang dito sa bakeshop alam mo namang nababaliw ako kapag wala akong kausap.” May dapat ba siyang asahan? Si Hanz ang tipong hihilahin ka paitaas at hihilahin ka rin pababa. Dahil dito nagkakaroon siya ng mga weird emotions at hindi na talaga niya nagugustuhan ang mga iyon. She vowed to have a peaceful life until the day she died but he is messing with it.

            “Can you give me a peace of mind, Hanz? May tinatapos ako dahil hindi ko alam kung anong oras akong makakauwi ngayong gabi.” Seryosong ani niya dito.

            “Huwag ka nalang umalis ngayong gabi, pwede ka namang mag-dinner sa bahay mo hindi ba? How about I treat you dinner instead?”

            Tinaasan niya ito ng kilay. “I’m fine, gabi-gabi kang may ka-date baka dumating ang point na mamumulubi ka na sa kaka-treat ng dinner sa mga female friends mo. Save it.”

            “Kapag pumayag kang magdinner tonight hindi na ako makikipag-dinner sa ibang female friends ko.” And he even raised his right hands as if he is making a promise to her.

            She saved her files before closing her laptop screen. Kapag hindi niya ito papansin ay siguradong wala rin siyang matatapos na trabaho kaya mabuting bigyan nalang niya ng pansin ang binata.

            “No need, what do you want?” biglang kumunot ang noo nito nang makitang isinara na niya ang kanyang laptop. “I’ll give you my time at ng hindi mo na ako kulitin. What do you want to do? Gusto mong maglaro ng jack n poy? Baraha? Luksong baka?” she’s actually a bit sarcastic.

            “You eat dinner with me.”

            “I’ll give you my full attention now Hanz so stop pestering with the dinner. Ang sabi ko naman sa iyo save your money, I know you have a well-paid job pero kung gastos ka ng gastos mauubos din iyang pera mo. Stop inviting me out for dinner.” Asar na sabi niya. Akala niya ay maiinis ito sa kanya mukhang mas nasiyahan pa ito dahil napagsabihan niya. Hanz is really weird.

            “What do you want to do?”

            “Nothing.”

            Kumunot ang kanyang noo. “Ginugulo at kinukulit mo ako dito pero wala ka naman palang gustong gawin?”

            “Gusto lang kitang makausap.” Tumayo ito at kumuha ng bread tray, pumili ito ng ilang cakes and pastries at bago bumalik sa kanya ay dumaan ito sa ref at kumuha ng kanyang paboritong Huckle Berry mixed berries flavoured iced tea. “Let’s talk.” Ito na mismo ang nagbukas ng iced tea at ibinigay sa kanya ang mga pastries and cakes.

            “Anong pag-uusapan natin? Ayokong makipagbiruan sa iyo.”

            “I am serious here, gusto ko lang may makausap ng matino ngayon. I’m not really feeling well today.” Kumunot ang kanyang noo. Napansin nga niyang kakaiba ang kinikilos nito kanina baka dahil hindi nga maganda ang pakiramdam ng lalaki.

            “Bakit hindi mo agad sinabi? Pwede ka namang umuwi at magpahinga, hindi mo ako kailangang samahan dito.”

            “No way!” bulalas ni Hanz. “At hayaan kang mag-isa dito? I’m okay here.” Ininom nito ang sariling ice tea. “What’s with the look Jada?”

            “Sabi kasi ni Yumi I need to look decent since haharap ako sa mga customers.” Aniya dito. “I may be a little crazy but I’m also a rationale being. Pumayag akong tulungan si Yumi dito para sa kasal niya at ayoko namang takutin ang mga customers niya dito. Hindi man ako palaging nag-aayos but I still know how to make myself presentable.”

            “You really look presentable. More than presentable.” Hinawakan niya ang magkabilang pisngi niya na ikinatigil nito at napatitig sa kanya.

            “Nasobrahan ba? Hayaan mo next time ay babawasan--.”

            “No! Bagay sa iyo ang ayos mo, nakakapanibago lang dahil hindi ka naman palaging nag-aayos.”

            “Of course, I’m a writer Hanz. Nasa bahay lang naman ako palagi at hindi lumalabas. Kung hindi dahil kay Dorothy ay hindi rin naman ako lalabas ng bahay. Wala rin namang silbe kung mag-aayos pa ako. At kapag lumalabas naman ako ay nasa subdivision lang ako, komportable na ako sa mga tao dito sa atin at kahit ano naman yata ang isuot mo ay wala rin silang pakialam. Iyan din ang nagustuhan ko sa mga tao dito, hindi sila judgmental. Kaya nasanay na akong hindi nag-aayos kahit na nasa subdivision lang ako.” Paliwanag niya dito.

            “You are already beautiful Jada kahit na noong college pa tayo. Alam mong madalas ako sa library--.”

            “May kasama kang mga babae doon.”

            Tumawa ito ng malakas. Siya naman ang napakurap dahil sa tawa nito, hindi pa niya nakikita ang lalaking tumatawa ng ganoon. He looks really happy.

            “I was young, minsan sa buhay mo ay may nagagawa ka talagang mga bagay na hindi maganda na pagsisihan mo kapag tumino ka na.”

            “Pagsisisihan?”

            Tumango ito. “May mga bagay kasi na akala mo ay tama kaya mo ginagawa but when you grow up and you realize that it was stupid you just want to smack your head on the floor.”

            Natawa siya sa sinabi nito, this time it was a real laugh. “Tama ka pero sa tingin ko normal naman na may nagagawa tayong ganoon, nasa atin lang siguro kung paano natin itatama ang pagkakamaling nagawa natin dati.”

            “Alam mo kung bakit nandoon ako sa library dati?”

            “Because you are a studious type of student.” Sagot niya.

            Tumawa uli ito sa kanya. “Studious? Jada, hindi mo ba naaalala ang mga librong hinihiram ko sa iyo dati?” nagsalubong ang kanyang kilay sa tanong nito.

            “Nope.”

            “Those were random books. Iyong feel kung hilahin mula sa shelf at wala akong pakialam kung ano ang librong iyon.”

            “What’s the reason why--.” Natigilan siya at tinaasan ito ng kilay. Nagpapansin ito sa kanya dati? Wehh?

            “Kung ano man ang nasa isip mo ay totoo. Nagpapapansin ako sa iyo, pagkatapos mo akong i-basted ay tumaas hanggang langit ag pride ko. Sabi ko sa sarili ko maraming magagandang babae sa university at hindi kawalan ang hindi mo pagpansin sa akin.”

            “Baliw ka ba Hanz? Fourth year college ka noong mga panahon na iyon at first year pa lang ako. Anong alam ko sa mga ganyan-ganyan?” biglang tumaas ang boses niya dito.

            “May naging girlfriend ako noong high school.”

            “At hindi lahat ng babae ay relasyon at lalaki lang ang isip sa murang edad. My goodness, underage pa nga ako ng mga panahon na iyon. Alam mo bang sundalo ang tatay ko? Paano kung sinagot nga kita noong mga panahon na iyon?”

            “I didn’t know.” Depensa naman nito sa sarili. “I thought all women were the same. Lahat nang nilalapitan ko ay sinasagot naman ako ikaw lang ang hindi that’s why I thought you were weird. At gusto kong gantihan ka sa pambabasted mo sa akin, pumupunta ako doon na may kasamang mga dates. I want you to see na hindi ka kawalan sa akin.”

            Tinaasan niya ito ng kilay. “And to tell you the truth Hanz, wala talaga akong pakialam sa iyo noong mga panahon na iyon. Ang gusto ko lang ay makatapos sa pag-aaral at magawa ang lahat ng gusto ko.” Totoo naman ang sinabi niya.

            Napabuntong-hininga ito. “That was so stupid of me.”

            Tumawa siya sa naging hitsura ng lalaki. “Yeah, so stupid of you. Pero mukhang hindi ka naman nagbago, noong nagkita uli tayo dito ay ganoon ka pa rin. Nakasanayan mo na rin na makipaglaro sa mga babae.” Ito naman ngayon ang biglang natahimik sa kanyang sinabi. Mukhang nasobrahan yata ang talas ng dila niya. “Na-offend ba kita? Sorry, I didn’t mean it that way.”

            Inubos muna nito ang ice tea nito at bago pa man ito makapagsalita ay tumunog ang windchime ng bakeshop at pumasok si Genesis at si Gareth.

            “Naka-booked ba ang bakeshop para sa date ninyong dalawa? Sana ay naglagay kayo ng sign na exclusive sa labas.” Nakasinging biro ni Genesis.

            “Genesis!” hinampas ni Margareth ang lalaki.

            “Joke lang, sorry talaga pare. Hindi ko matutulungan si Jada dito sa bakeshop dahil inaalagaan ko pa itong sa Ga-  awww!”

            “Anong inaalagaan ikaw nga iton--.” Hindi na naituloy ni Margareth ang kanyang sasabihin dahil mabilis na natakpan ni Genesis ang bibig nito. Hinampas-hampas ito ng kaibigan pero nahila ito ni Genesis sa isang tabi.

            “Ituloy niyo lang ang date ninyo, papakainin ko muna itong babaeng ito. Mukhang nahawaan ng pagiging bear--.” Sa wakas ay nakaalis na si Margareth sa lalaki.

            “Anong bear?”

            Buong gigil na pinagpipisil ni Genesis ang pisngi ng pobreng kapitbahay. Kapag nagkakasama ang dalawa ay sigurado siyang panggigigilan ni Genesis ang pisngi ni Margareth hanggang sa mamula iyon. Tuluyan na siyang natawa at binalingan si Hanz.

            “Ang cute nilang tingnan no? Alam mo bang may balak akong gawan sila ng love story, from best of friends to lovers. Kapag nagkalakas ng loob si Genesis na umamin kay Margareth ay sisimulan ko na ang chapter one nila.”

            “You knew?” gulat na tanong ng kausap.

            “Na may gusto si Genesis kay Margareth?” inirapan niya si Hanz. “Mukhang alam na ng dalawang barangay ang tungkol diyan. Masyado ng halata iyang kaibigan mo.” Nagkibit-balikat siya. “Wala naman kaming against kung magkakatuluyan silang dalawa. Medyo baliw lang si Genesis at alam din namin na may mga sideline siyang mga babae pero hindi naman siya pakawala. He is still a decent man and he obviously loves Margareth too. Kaunting tulak nalang at masasabi na rin niyang may gusto siya sa bestfriend niya.”

            “How about me? Ain’t I a decent man?” nagdugtong ang dalawang kilay niya sa tanong ni Hanz. May gusto din ba ito kay Margareth? Biglang nag-iba ang timpla ng utak niya sa ideyang may gusto it okay Margareth at ayaw man niyang aminin, naiinis siya. Ayaw niya sa ideyang iyon kaya siguro dala na rin ng nararamdaman niyang kakaiba ay hindi niya napigilan ang mga salitang lumabas sa kanyang bibig.

            “Mas desente sa iyo si Genesis, kahit sinong babae ay mas pipiliin siya over you.”  Huli na nang mapagtanto niya kung ano ang kanyang sinabi. “Hanz--.”

            “It’s okay I understand. Totoo din naman ang sinabi mo.” Ngumiti ito sa kanya pero batid niyang hindi umabot sa mga mga nito ang ngiti. Gusto tuloy niyang sapukin ang sarili dahil sa kanyang sinabi. “Kahit ako rin mas pipiliin ko rin si Genesis keysa sa sarili ko. Sigurado kasi akong maraming masasaktan dahil sa akin.”

            “MAY problema ka ba, Jada?” nag-aalalang tanong ng kapatid ng hindi na siya sumasagot sa mga tanong nito.    

            “Wala naman ate.” Sinubukan niyang maging okay pero sa totoo lang ay malayo sa pagiging okay ang nararamdaman niya dahil na rin kay Hanz. Pagkatapos ng naging pag-uusap nila ay dumating si Yumi at nagpaalam na rin ang lalaki dahil may kailangan pa raw itong tapusin. Alam niyang na-offend niya ito at gusto niyang humingi agad ng tawad.

            “Are you sure? Lalaki ba iyan?” tukso nito. “Oh my God! Lalaki nga. Sa wakas ay normal na babae na ang kapatid ko.”

            Napakunot siya ng noo. “Hindi sa ganoon.”

            “SIguradong matutuwa si Mama nito. Kung alam mo lang ilang santo na ang dinasalan ni Mama para lang magkaboyfriend ka. Mukhang nag-wo-work na rin sa wakas ang kanyang mga prayers.”

            “Sandali lang ate  Jan.” pigil niya sa kapatid dahil masyado ng wild ang imagination nito. “Hindi tulad ng iniisip mo ang iniisip ko.”

            “Oh? So, what’s wrong? Come on tell me. Alam mo bang matagal ko ng gustong mangyari ito, iyong sinasabihan mo ako ng problems mo sa tungkol sa boys. Finally!”

            “Ate naman eh.”

            “Sige na, you can tell ate anything.”

            Malakas siyang napabuntong-hininga. Kailangan na nga niyang sabihin dito ang nasa kanyang loob dahil sigurado siyang mababaliw siya kapag hindi niya iyon na-express.

            “I think I offended Hanz.”

            “Oh, Hanz is the name. Noted.” Tumikhim ito. “Ano ba ang ginawa mo sa Hanz na ito?”

            “Kasi ano… I thought he likes Margareth.” Kilala nito ang huli dahil naipakilala na niya ito dito. “And when he asked me if he was decent enough. I said he wasn’t and Genesis was still better than him.” Nasapo niya ang kanyang noo. “I am so stupid. Minsan kasi ay nauunang mag-isip ang utak ko keysa utak ko.”

            “Bakit mo naman naisip na na-offend si Hanz?”

            “Eh kasi bigla siyang tumatahimik. Hindi naman natatahimik ang lalaking iyon.”

            “Baka naman napagod lang.”

            “Basta hindi ganoon si Hanz. Alam kong na-offend ko talaga siya.”

            “At iyan ang dahilan kung bakit hindi ka mapirme diyan sa upuan mo?”

            “It’s not just--.”

            “You like this Hanz guy?” Mabilis siyang umiling, pakiramdam nga niya ay nahilo siya sa kanyang ginawa. “What’s the problem then? Hindi mo naman pala siya like so okay lang na ma-offend mo siya paminsan-minsan.”

            “No! Kahit na gusto ko man siya o hindi ay hindi pa rin maganda na masaktan mo ang isang tao.”

            “Sa napapansin ko kasi little sis, masyado kang affected sa nagawa mo sa kanya. Don’t tell me na first time mong maka-offend sa ibang tao dahil sigurado akong hindi pero first time kang naging ganito kaligalig. And what’s wrong with him liking Margareth? There’s nothing wrong with that.”

            Nagsalubong ang kilay niya sa sinabi nito. “He can’t like Margareth.”

            “And why?”

            “Because Genesis likes her huwag na siyang sumali sa picture.”

            Napansin niya ang pagngisi ng kapatid. “O dahil mas gusto mong sa iyo magkagusto si Hanz?”

            “Hindi.” labas yata sa ilong ang pagkakasagot niya kaya siguro tumawa ng malakas si Janina. “Ate.”

            “You like the guy.”

            “Sabi ko--.” Malakas siyang napabuntong-hininga. There’s no need for her to lie anymore, dahil alam niyang hindi ito maniniwala. At alam din niyang hindi na rin niya paniniwalaan ang kanyang sarili. She’s a writer for goodness sake at alam niya kung ano ang mga simtomas ng mga babaeng may gusto sa isang lalaki. “Yes, I like him but I can’t like him more.”

            “And why?”

            Napakamot siya ng batok. “Siya ang tipo ng lalaking gusto ang lahat ng babae, I can’t trust my heart to him.”

            “So, he’s that kind of guy. Paano mo naman nalaman?”

            “Dahil magkapitbahay kami at palagi ko siyang may nakikitang babae na kasama. I even saw him last night with this beautiful woman and then last week may babae din na naghahanap sa kanya.”

            “It’s not a problem little sis, let’s change your wardrobe. Maganda ka hindi ka lang nag-aayos ipakita mo sa kanya na walang-wala ang mga babaeng dine-date niya sa ganda mo. Our beauty runs in the family.”

            “Sinabi na niyang maganda ako kahit hindi ako nakaayos so there’s no need for me to replace my wardrobe.”

            “Iyon naman pala eh, accepted ka niya kahit anong hitsura mo.”

            She sighed again. “Ate, gusto ko lang mag-sorry sa kanya so I can sleep peacefully tonight. Wala akong balak na sabihin sa kanya na gusto ko siya.”

            “You know what dear sister, there’s no harm in telling him how you really feel. Sabi nga nila there’s no harm in trying.”

            “Wala akong balak na ipahiya ang sarili ko sa harap niya and take note kapitbahay ko siya, kapag sinabi kong like ko siya at i-re-reject niya iyon ano nalang ang mukhang maihaharap ko sa kanya pagkatapos. At saka like ko pa lang naman siya, it’s not love or something. Malaki pa ang chance na mawala ang nararamdaman ko sa kanya, baka fascinated lang ako sa kanya ngayon.” hindi niya alam kung kanino niya iyon sinasabi, kung sa kapatid niya o sa kanyang sarili.

            “If you say so once you’ve got your guts back and ready na to tell him what you really, really feel, tell me I’ll help you.” kahit papaano ay napasaya siya ng ate niya, they never had this sister conversation before dahil nga sa magkaibang personality nilang dalawa.

            Kailangan talaga niyang humingi ng tawad kay Hanz or else hindi siya makakatulog ng maayos mamaya.

<3 <3 <3

PHOTO CTTO

TBC

Black Magic 5 - Write Love: 6 - Unknown Feelings

6 – UNKNOWN FEELINGS

            Habang naghihintay sa mga costumers sa bakeshop ay hindi nagsayang ng oras si Jada, bitbit pa rin niya ang kanyang laptop at tinatapos ang nobelang kanyang sinusulat. Nagsimula siyang maging ganito kahapon, kapag nakatanga kasi siya ay bumabalik sa kanyang ala-ala ang naramdaman niya kay Hanz nang makita niya itong may kasama. Kung paano biglang tumaas ang kanyang emosyon at bumulusok paibaba kaya para hindi niya iyon maalala ay nagsusulat siya. May dalawang books din siyang kailangang i-revise ngunit sa halip na gawin iyon ay nagsimula siya from scratch. Ginamit lang niya ang pangalan ng hero at heroine niya at ang kanilang background tapos ay iniba na niya ang setting at ang kwento.

            “Ate Jada, may nagpapabigay po sa iyo.” Untag sa kanya ni Makisig. Gumagalaw pa rin sa ibabaw ng kanyang keyboards ang mga daliri pero nakatuon na sa bunsong kapatid ni Mayumi ang kanyang pansin. May hawak itong maliit na papel.

            “Ano iyan?”

            “Number po yata.” Nagdugtong ang kanyang kilay. “Nagustuhan ka po yata ng kalalabas na customer, tinawag niya ako sa labas para itanong kung may asawa ka na ate o boyfriend. Noong sinabi kong wala ay ibinigay niya sa akin ang kanyang number.”

            “Itapon mo.” Utos niya dito. It wasn’t the first time na lumapit sa kanya si Makisig para magbigay ng number ng kung sinong pontio pilato.            

            “Sayang naman ang mga numbers ate, i-tatago ko nalang in case magbabago ang isip mo.” Iningusan niya ang binatang kapatid ni Yumi. Kanina pa ito walang tigil sa pang-aasar sa kanya dahil sa dami ng mga numbers na kinokolekta nito sa kanya. Sinundan niya ng tingin ang binatilyo, may kinuha itong maliit na garapon at inilagay sa loob ang mga papel na may lamang numero.

            Tumunog ang windchime ng entrance ng shop. “Good morning, welcome to—Jasper!” bulalas niya nang makilala ang pumasok sa bakeshop. “Ano ang ginagawa mo dito?” tumayo siya upang salubungin ang bagong dating.

            “Nalaman ko na nandito ka kaya dito na ako pumunta.” Yumakap sa kanya ang lalaki. “Wow, you look very beautiful. I’m glad to see you with this look.” Hinampas niya sa braso ang brother-in-law.

            “Mas maganda pa rin si ate ‘no.” ngumisi ito sa kanyang sinabi.

            “You are beautiful, of course Ms. Universe si Janine sa puso ko. Lalo na ang magiging little princess namin.”

            Tinaasan niya ito ng kilay. “Little Princess? Paano kung lalaki?”

            “Well, a little prince.” Natawa siya sa sinabi nito. Napatitig siya sa lalaki. Ka-org niya si Jasper dati sa university at siya ang dahilan kung bakit nagkakilala ito at ang kanyang ate. Siya rin ang nanligaw sa kapatid niya para dito dahil masyado itong torpe. Malaki ang utang na loob nito sa kanya. Kahit sa organization nila ay parang kuya na rin niya ito, kapag nasa mood siyang makipag-amok ay kakausapin siya nito nang matiwasay hanggang sa kumalma siya. Jasper is a good guy, hindi siya mahihiyang irekomenda ito sa kanyang kapatid.

            “What are you doing here by the way?”

            Nagkibit-balikat siya. “Napakiusapan ako ni Yumi, ang namamahala dito na pumalit muna sa kanya dahil may aasikasuhin siya sa kanyang kasal. Kasama ko ang little brother ni Yumi, si Kisig.” Turo niya sa binatilyong abala sa paglagay ng papel na may numbers sa garapon. “Ikaw, anong ginagawa mo dito?”

            “Gusto sana kitang kausapin, tungkol sa offer ko sa iyo.” Pilit niyang inaalala ang sinasabi nitong offer and then it suddenly clicked.

            “Ah, iyon ba. Ano kasi---.”

            “I have a very good proposal to you Jada.” Tumaas ang kilay niya.

            “Proposal?”

            “Yes, this won’t jeopardize your job as a romance novelist.” Nag-isang linya ang kanyang mga labi.

            “Well… Jas, pwede bang pag-usapan natin iyan sa ibang oras? Pwede tonight, let’s have a dinner with ate. Gusto kong marinig ang offer mo.” Lumiwanag ang mukha nito sa kanyang sinabi. “I am still not giving you a yes as an answer, gusto ko lang marinig ang proposal mo.” Sunod-sunod itong tumango.

            “Tonight is great, sasabihin ko kay Janine na magdidinner tayo. And she will also love this look on you. Susunduin ka namin dito?”

            “Oh no, just message me the place at ako na ang pupunta kung saan tayo magkikita.” Aniya sa asawa ng kapatid. “May pupuntahan din kasi ako mamayang hapon.”

            “Sige, mabuti nalang at pinuntahan kita dito. Mauuna na ako may meeting pa rin ako.”

            “Ihatid na kita.” Inihatid niya ang brother-in-law sa kotse nitong nakaparada sa labas ng bakeshop.

            “Thank you, Jada.” Yumakap ito sa kanya. “Sana ay pumayag ka, wala na akong maisip na pwedeng humawak sa posisyon na iyon maliban sa iyo.”

            Tinapik niya ito sa likod at tumawa. “Baliw ka talaga, but still thank you for considering me. Alis na baka ma-late ka sa meeting mo.” Sumakay na ito ng kotse at tuluyan nang umalis. Bago pa siya pumasok sa bakeshop ay napansin niya ang mga kapitbahay niyang lalaki na nakatingin sa kanya.

            “What?” takang tanong niya sa mga ito. Mukhang galing sa paglalaro ng basketball ang mga ito at talagang huminto lang para makiusyuso. “Mga tsismoso talaga kayo. Isusumbong ko kayo kay Heart at kay Tatay Ben.” Mabilis namang umalis ang mga ito palayo sa shop, siya naman ay pumasok na.

            “Sino iyon ate?” salubong ni Kisig sa kanya.

            “Hmn?”

            “Iyong kausap mo.”

            Ngumisi siya. “Secret.” Nilagpasan niya ang binatilyo at bumalik sa harap ng laptop. Iniisip niya ang trabahong ini-offer sa kanya ni Jasper. Baka time na rin na magkaroon siya ng stable job, hindi naman sa napapagod siyang magsulat. Writing romance novels will forever her number one love but she can’t call it a job. Kapag nagkaroon siya ng stable job na may fix time baka makalimutan na rin niya ang kakaibang nararamdaman niya para kay Hanz dahil hindi na niya ito palaging makikita.

            I should take that job. Pinal na sabi niya.

            KATATAPOS lang na isulat ni Jada ang chapter seven ng kanyang ten chapters na nobela nang makaramdam siya ng uhaw. Tumayo siya at pumunta sa kusina, ang sabi kasi ni Yumi ay kumuha lang siya ng kahit anong pwedeng kainin at inumin kapag nagugutom na siya. May mga clubhouse sandwich sa refrigerator, kinuha niya iyon at inilagay sa mesa. Ayaw niyang kumain ng malamig na tinapay kaya ilalagay muna niya sa normal room temperature ang mga iyo. May mga bottled juice and softdrinks din doon, hindi siya mahilig sa softdrinks pero mahilig siya sa mga bottled juice at ice tea.

            “Okay na siguro ‘to.” Malamig pa rin ang tinapay pero asyado na siyang gutom para maghintay pa. Naubos na niya ang dalawa nang maisipan niyang muling bumalik sa labas sakto naman na lumabas si Makisig mula sa isang pintuan. Nakaayos na ito at parang may lakad.

            “Ate, tumawag ang classmate ko. May kailangan lang kaming tapusin na project babalik naman ako kaagad.” Mabilis niyang nalunok ang tinapay na hindi pa niya nangunguya.

            “Ako lang mag-isa dito? Paano kung may maghanap sa inyo-.”

            “Ay, may tinawagan na akong tumulong sa iyo dito Ate Jada. Ilang beses na rin siyang napilit ni nanay na magpart time dito kaya kahit papaano ay may alam na siya sa pasikot-sikot ng shop.”

            “Sino?” and as a cue ay bumukas ang entrance ng bakeshop at pumasok ang isang tao na ayaw muna sana niyang makita.

            “Hola!” Bati nito.

            “Kuya Hanz, bakit ikaw ang nandito? Nasaan si Kuya Genesis?” ang alam niya ay pinsan ni Yumi at Kisig si Genesis. Pero bakit nga nandito si Hanz?”

            “Busy si Genesis dahil kay Margareth, pinakiusapan niya akong magbantay sa shop.” Bumaling ito sa kanya, may sasabihin sana ito sa tingin niya ay babatiin siya ng lalaki pero biglang tumikom ang mga labi nito at napatanga sa kanya. She tilted her head wanting to know what happened to him dahil bigla itong na-speechless.

            “Sige kuya Hanz, tawagan mo lang si kuya Genesis kapag may kailangan kayo sa shop. Kailangan ko na kasing umalis para makabalik agad ako dito.” At hindi na nagpaalam sa kanya si Kisig dahil mabilis itong lumabas. Parang nagkaroon ng awkward moment sa pagitan nilang dalawa lalo pa at hindi siya nito nilulubayan ng tingin.

            Tumikhim siya. “Dito lang ako sa may table, tatayo rin ako kapag may costumers.” Ani niya dito. Naiilang din kasi siya sa lalaki. Narinig din niya ang pagtikhim nito at pumunta ito sa couch na kaharap ng inuupuan niya. Sa mga oras na iyon ay inihiling niya n asana ay nakabuhaghag ang kanyang buhok upang maitago ang kanyang mukha. Kahit kasi malayo na siya dito ay nakatitig lang si Hanz sa kanya.

            Nababaliw na yata ito. She’s not that pretty compared to his women. Mas maganda nga iyong bibbit nitong babae last night, baka sa isip nito ay sinasabi nitong pinipilit niya ang sarili niyang gumanda kahit hindi naman. Okay Jada, so much for pushing down yourself. Inis na sambit niya sa kanyang sarili.

            Ang mabuti pa ay magsusulat nalang ako. Itinuon niya ang buong pansin sa pagsusulat and luckily she managed to divert her attention from him to what she is doing. Kung hindi lang siguro nagring ang kanyang cellphone ay baka natapos na niya ang buong chapter. Kinuha niya ang phone at inipit iyon sa pagitan ng kanyang teynga at sa balikat.

            “Hello, Jasper?” nakita niya sa screen niya ang pangalan nito. “Yes, I know the place.” Itinawag nito sa kanya ang restaurant kung saan sila magkikita. Sinabi din nito na kasama na nito ang ate niya dahil napostpone ang meeting nito. “No worries--.” May narinig siyang munting kaguluhan sa kabilang linya at napangiti nang humalili ang boses ng kanyang kapatid. Sinabi nitong tanggapin na niya ang trabaho and before she can say a word ay nakuha na ni Jasper ang phone. “I’ll be there tonight don’t worry. It’s a date then. Bye.” Kinuha niya ang cellphone at inilagay sa mesa.

            “Ahh!” malakas siyang napatili nang paglingon niya ay nasa tabi na niya si Hanz. Napahawak siya sa kanyang dibdib dahil totoong nagulat siya sa biglaang pagsulpot nito. She can even hear her heart beating so fast and she doesn’t know how to calm it down. “Hanz, ano ba? Huwag ka ngang nanggugulat diyan.”

            “Sino iyon?” tinutukoy marahil nito ang kausap niya sa phone.

            “My b--.” Kumunot ang kanyang noo at tinaasan niya ito ng kilay. Hindi kasi niya nagustuhan ang tono ng boses nito. “You don’t have to know.”

            “You have a date.” Mukhang ang narinig lang nito ay ang huling sinabi niya.

            “Yes. Why?” walang malisyang tanong niya.

            “May date ka nga?”

            Tinaasan niya ito ng kilay. “What’s wrong with that?”

            “Hindi ba pinapabantayan ni Yumi ang bakeshop? Ayokong maiwang mag-isa dito mamaya.” Anito.

            “Hihintayin ko naman si Yumi na bumalik saka ako aalis.” Nag-isang linya ang mga labi nito. “What’s with you Hanz?” takang tanong niya. “I don’t like the tone of your voice.”

            Parang natauhan ito naisuklay sa buhok ang mga daliri, napakurap siya lalo pa at sobrang lapit nito sa kanya kaya kitang-kita niya kung gaano ka-gwapo ang lalaki.

            Stop it, Jada. Utos niya sa kanyang sarili.

            “I’m sorry.” Hingi nito ng paumanhin sa kanya. “Hindi lang naging maganda ang gising ko at naibunton ko sa iyo.”

            Tumayo siya upang harapin ang lalaki making their distance shorter. Agad niyang napansin na pasimpleng lumalayo sa kanya si Hanz. O, baka naman sa isip lang niya iyon. Bigla tuloy siyang nainis, hindi dito kundi sa sarili niya.

            “Hindi rin maganda ang gising ko pero hindi ko binunton sa ibang tao ang inis ko sa mundo. Pero kapag na-triggered mo ako makikita mo ang pagiging maldita ko Hanz. And since naiinis ako ngayon, huwag mo akong kakausapin at huwag mo akong lalapitan unless may kinalaman sa costumers.” Kinuha niya ang laptop at pumasok sa counter. Mas safe siya doon, ini-lock pa niya iyon para hindi ito makapasok kung maisipin man nito. Sumampa siya sa high chair na ginagamit ni Yumi kapag nakaupo ito sa harap ng cash register.

            Malakas siyang napabuntong-hininga at kinuha ang headset saka inilagay sa magkabilang teynga. Binuksan niya ang kanyang music application sa cellphone at nagplay ng song, ayaw niyang makarinig ng kahit ano at ayaw niyang madisturbo ni Hanz. Ayaw niyang makausap si Hanz at ayaw niyang mas lumala ang kakaibang nararamdaman niya dito. She needs to keep her heart safe from him. So much for some unknown emotions that she needs to dealt with.

           

<3 <3 <3
PHOTO CTTO
TBC

Enjoy reading babies!

Love,
Inang

Teacher Starter Pack

            Hello everyone! Ito iyong part 2 ng naunang kong isinulat na. Kapag ikaw ay tulad ko na nakapasok na sa sistema heto ang dapat mong unahing bilhin. Ito ang pinakakailangan mo dahil kung wala ka ng mga ito siguradong hindi magiging madali ang buhay pagtuturo mo.

1. LAPTOP

            Yes, po. Hindi na po privilege ang magkaroon ng isang laptop at hindi po ito isang status symbol dahil need na po talaga siya. Ano ang pwedeng pag-gamitan ng laptop? Basahin ang mga sumusunod.

                Lesson Plan, 2013 akong nakapasok sa serbisyo at kung hindi ko pa nakakalimutan I think three years lang yata akong bumili ng lesson plan para doon isulat ang lessons ko at isubmit sa office. Nakalimutan ko na ang exact year. Sa ngayon ay hindi na po sinusulat sa kamay ang lesson plan, kailangan na siyang itype sa laptop at iprint.

                Form 1, dahil may LIS na or Learner Information System kung saan kailangan na e-enroll ang mga students ay kailangan na rin nating mag-generate ng Form 1. Dito nakalagay ang LRN, complete name, age, birthdate, gender, address, pangalan ng mga magulang, religion, ethnicity at kung anu-ano pa. Pagsapit ng July ay open na ang LIS at mag-uunahan na ang mga teachers sa pag-enrol ng kanilang mga students hanggang sa maka-encounter sila ng error message sa screen ng kanilang laptop and whoala kailangan nilang gumising ng madaling araw dahil mas mabilis ang internet at ang LIS mismo.

                Form 2, mag-gegenerate ka ng hard copy ng form 2 at magche-check ka ng attendance ng students mo using this one. Kailangang ayusin ang pag-shade or else hindi ma-rerecord ang absences ng mga bata.

                Form 3, record ng books na naibigay sa mga students. Kailangang updated at kung masipag ka pwede mong i-check every month kung buhay pa ba iyong books na nasa kanila or else ikaw din ang magsa-suffer dahil ikaw ang magbabayad niyan at the end of the school year.

                Form 5, kapag natapos na kayo sa reading of forms at the end of the school year ay pwede mo ng lagyan ng final grade ang mga students mo sa LIS. Kapag okay na ang lahat ay generate uli ng hard copy at print.

                Class Records, may generated class record na ang DEPED. Hindi mo na kailangang bumili ng class record sa national bookstore dahil ilalagay mo lang ang name nila dito tapos ang grades nila, hindi mo na rin kailangan ng calculator dahil automatic na rin ang pag-ga-grado. Kailangan mo lang ng basic skills sa excel at kung hindi ka maalam huwag mo nalang subukang i-change ang automated class record dahil mahihirapan ka lang.

                PTA meeting hard copies, every quarter ay kailangang may minutes of the meeting ka ng parents mo with their attendance and signature dahil kailangang ilagay iyan sa portfolio para sa ating PPST/RPMS o kung anumang tawag ng final project ng mga teachers at the end of the school year. Kailangan din pala may picture kaya kahit naka-tumbling ka while nagmemeeting kayo o kaya naman ay na-deformed na ang face mo maging masaya ka at least may means of verification ka.

                Reply Slips, may mga pagkakataon na magbibigay ang school ng letter sa mga students gaya ng meetings and etc. May mga OA talagang school heads na kailangan pang i-collect ang mga letters, ilagay sa folders, i-fasten with matching master list na may check ng kung sino ang nagpass o hindi. As if naman babasahin nila iyan ‘no itatambak lang nila iyan sa isang tabi.

                Adopt-a-School Report, kapag nagpadala ka ng floorwax, rags, sako o kung anu-ano pa ay huwag mong kalimutan na magpicture niyan dahil hihingan ka ng monthly adopt-a-school report, AKA, Kung ano ang na-donate ng parents ng bata sa school. Kailangan may documentation pa rin.

                Accomplishment Report, kailangan bawat paghinga at pag-utot mo ay documented din dahil kailangan mo iyan sa monthly accomplishment reports mo.

                Take note, dapat ay tigdadalawa ang copies na ipiprint mo tapos lagyan mo ng received by and date signed. Itago mo iyong isa dahil sure akong hahanapan ka nila at sasabihin pa na hindi ka nagpass kaya keep one copy as evidence at kailangan mo rin iyan for future reasons.

                BMI at SF 8, twice mong gagawin ito kaya huwag na huwag mong walain. Updated ka dapat kunga no ang height ng mga students mo at ang weight nila. Kailangan iyan ng school nurse.

                Anecdotal Record, mga importanteng impormasyon ng mga students na kailangan ng guidance councillor ng school niyo. Kailangan mo rin iyan sa PPST mo kaya keep a copy too.

                Summative Test Papers, huwag kang mag-expect na ang school ang magpiprint ng mga modular test papers mo dahil hindi ka nila i-entertain. Periodical examinations nga na test paper ay hindi nila kayang i-one by one test papers mo pa kaya? Kailangan ikaw ang mag-encode at magprint, huwag kang umasa sa kasama mo dahil may sarili din silang trabaho.

                Module/Remediation Exams and Activities, kayo din po ang kailangang gumawa niyan pero kung may access kayo sa LRMDS ay pwede kayong magdownload doon at iyon ang gamitin mo. May mga modules doon and infairness magagamit mo talaga.

                Ang mga namention ko sa itaas ay iilan lamang sa mga paggagamitan mo ng laptop, marami pa actually, kasama na ang mga instructional materials dahil kailangan na at kasali nasa PPST ang ICT integration. Kung nasa elementary and junior high school ka, huwag i-compare ang sarili sa mga senior high school teachers dahil iba ang budget nila sa budget natin. Kung may nakilala kang teachers na binigyan ng sariling laptop, printer at projector eh di sila na ang maswerte tayo naman, sariling bulsa muna natin kakapit. And make sure na lalagyan mo ng pangalan ang mga gamit mo dahil baka akuin din ng school.

2. PRINTER and INK

            Maliban sa laptop, a must din ang printer.  Ito ang asawa ni laptop, kung wala ito wala ka ring masusubmit na school reports. Wala kang mapapa-check na lesson plans, hindi mo masusubmit ang form 2 mo sa mga heads mo. Kaya kailangan na kailangan mo ito, may printers ang mga offices pero minsan ay mahihiya kang pumasok sa mga airconditioned rooms nila para makiprint lang. Suggestion laman, may binili kaming printer ng mga co-teachers ko. Nag-allocate kami ng tig-1,000 from our sweldo. Iyong Epson na pinakamura lang ang binili namin and of course, kung maalam ka dapat ay may resetter ka rin in case maubos ang ink pad life ng printer mo.

3. LAPEL

            Kung malaki na ang boses mo pwedeng wala ka na nito, in my case, malaki ang boses ko kahit kapiranggot ang height ko. Kaya kong magturo ng walang lapel, pero ang nangyari kasi, pagpasok ko sa public school ay agad akong na-assign sa mga sections na nasa school gym. Tatlong sections ko ang nasa gym (2014-2015, section 7-S, 7-R and 7-V), each ay may 60-70 na students dahil kulang sa classroom. Ang nangyari ay unti-unting na-degrade ang boses ko, mabilis na akong mapaos at hindi na siya nakakatulong sa akin. So, as per my co-teacher’s suggestion I bought a lapel. Nasa 500-2000 pesos ang price ng lapels depende sa brand at kung saan mo nabili. Minsan sa shopee ako bumibili dahil mas mura at may favourite brand din ako at trusted ko na. Pero kung gusto mo ng pagmatagalan bumili ka ng medyo mahal.

4. BOND PAPERS

            Long and short. Again, dapat long and short at kulang ang isang ream sa isang buong taon. Huwag din mag-expect na ipo-provide iyon ng school dahil sasabihin lang nila na walang budget at ikaw na muna ang bumili as if i-re-reimburse nila. Maswerte ang school na may monthly supplies ng bondpapers.

5. BALLPENS

            Ito ang hindi mo pwedeng kalimutan, dapat red and black ang bilhin mo. Noong nagsisimula pa lang ako maarte ako sa pens, feeling ko kasi gumaganda ang handwriting ko sa ballpen na ginagamit ko. And since handwritten ang lesson plans kaya G-tech talaga ang ginagamit ko pen. Iyong 70 php na pen tapos isang bagsak lang ay hindi na susulat pa. Pero dahil may laptop na kaya downgraded na rin iyong pen na gamit ko, Fine Tech nalang siya iyong .2 para manipis. Huwag kalimutan ang red ball pen, pang-check ng mga papers ng mga students mo.

6. BACK PACK

            Sa school kung saan ako nagtuturo ngayon, iyong mga pillar teachers ng school (matagal na serbisyo) ay shoulder bags ang dala nila. Iyong tipong pang-teacher talaga. Pero iyon mga ka-edaran ko at hindi pa nakakaabot ng ten years in service back pack na ang dala-dala. Iyong iba malalaki dahil malalaki din ang kanilang laptop. Nasa loob na rin ang lahat ng pwede nilang madala back and forth sa bahay at sa school like test papers na i-rerecord, mga IM’s at kung anu-ano pa. Mas comfortable siya sa palagay ko dahil isahang dala nalang. Unlike kung magsho-shoulder bag ka tapos may bitbit ka pang kung anu-ano sa kabilang kamay mo.

                Pero kung hindi mo feel ang back pack you may stick to shoulder bags with matching paperbags or eco bags for other school related things.

7. CELL PHONE with DATA CONNECTION

            Katulad ng laptop, hindi rin privilege kung maituturing ang pagkakaroon ng high end na cellphone. Hindi naman kailangan na apple products ang bibilhin mo. Kailangan lang malinaw ang kuha ng camera at mabilis maka-connect sa internet. Minsan kasi kapag may meetings wala ng memo, diretso sa group chats ng mga teachers. Unfortunately, iyong ibang mga rooms na walang signals ay hindi nila iyon ma-rereceived. Kapag may mga events kailangan may picture ka, proof din iyon na nasa event ka at hindi umabsent in case hindi ka nakapag-attendance. Tandaan mo sa cellphone na hawak mo nakasalalay ang magiging documentation mo kapag may school related activities.

8. INTERNET CONNECTION

            May wifi and internet connection ang schools, hindi lahat pero karamihan meron. But it doesn’t mean na lahat ay pwedeng mabigyan ng access, maswerte ka kung nakapag-ninja moves ka dahil pwede kang magdownload ng mga videos sa youtube  for your classes at magresearch ng mga topics na kailangan mo sa klase mo. Kung wala ka nito, balik nalang tayo sa number 7, may portable hotspot naman ang phone mo kaya pwede mo iyong gawing source of internet connection.

9. MAKE-UP KIT

            Alam kong ang iba sa inyo ay sasabihin na bakit kailangan pang magpaganda or whatever kung nasa loob ka lang naman ng school. Hindi mo naman kailangang maging si Catriona, kailangang presentable ka. Iyong principal ko dati na-sita ako dahil bakit wala akong lipstick. Dapat daw ay may kulay ang mukha ko para buhay na buhay kapag nasa harap ako ng mga students. Kailangan presentable, hindi kailangang maging Miss Universe sa ganda.

                Iba na ang panahon ngayon, iba na ang mga bata ngayon. Kung ayaw mong masabihan ng pangit dapat ay mag-ayos ka. Pulbo at liptint ay okay na iyon. Dati ay lipstick at blush on ang bitbit ko palagi pero noong na-introduce ako sa liptint na ginawa kong blusher at lipstick alternatives ay doon na ako nag-stick. Kung ikaw naman ay lalaki, saktong gupit lang fight na.

10. SCHOOL SUPPLIES

            Bilhin mo na ang mga kailangan mong school supplies like cartolina (iba-iba ang kulay), manila paper, pentel pens, inks, rulers, glue, folder, puncher, fastener, coloring materials, plastic covers, notebooks at scotch tapes. Kailangang hindi ka mauubusan ng mga iyan dahil buong taon mo silang gagamitin at imposibleng hindi magamit. Kahit stamp pad ay magagamit mo rin eventually.

                Ang mag naisulat ko ay iilan lamang sa mga kailangan mong iprepare kapag pumasok ka na sa serbisyong publiko. Magrereklamo ka pero sigurado akong kikilos ka rin, sanay na akong makarinig ng ganyan at was once like that. Ngayon kasi nagrereklamo pa rin ako pero susugod na ako para magtanong kung sensible ba ang mga pinapagawa at pinapapasa sa amin. Sabi nga nila ang mga teachers, mababait sila sa unang tatlong taon. Pero kapag lumampas na ay unti-unting tutubo ang sungay ng mga iyan at matuto na tayong magtanong ng mga bagay-bagay.

11. PATIENCE

            Patience is really a virtue kung wala ka nito hindi ka magsusurvive sa Jurassic Park na papasukan mo. Hindi lang ito applicable sa mga bata pero pati na rin sa mga co-teachers at sa heads mong uubusin ang iyong pasensya. Kaya kailangan mo nito, kailangan mo nito at pinakakailangan mo ito.

12. GOOD HEALTH

            Tandaan, PHILHEALTH lang ang meron tayo kaya kailangang alagaan ang self. Puhunan ang katawan sa pagtatrabaho at wala tayong health insurance kaya huwag abusuhin. Alam kong hindi magandang pakinggan ang sasabihin ko pero kapag naburn out ka na at hindi mo na talaga kaya, mag-absent ka. Isang araw, maaaring malaki ang kaltas niyan pero sigurado naman akong mas malaki ang mawawala sa iyo kapag hinayaan mong kainin ka ng pagod mo. Be healthy and stay healthy. Dito ka dapat mag-invest ng mas malaki, bumili ka ng vitamins at lumaklak ng sobrang daming tubig.

13. LOVE

            Para sa mga students mo at para sa sarili mo.

Ang mga naisulat ko ay ilan lamang sa mga bagay na dapat mong tandaan kapag pumasok ka na sa serbisyo. Laging tandaan na ang natutunan sa eskwelahan ay 20% lamang sa dapat mong matutunan kapag nasa service ka na. Ang 80% ay sa field mo na matututunan at first-hand experience pa. May pahabol pa pala, dapat ay may budget ka rin sa mga DEPED nite at kahit gaano katigas ang katawan mo mapipilitan kang palambutin iyan dahil wala kang choice kundi ang sumali.

Hope you enjoyed reading this one. Kung may hindi pa ako nasasali ay pwedeng-pwede kayong mag-comment para pandagdag. This will help future educators in preparing for their next adventures in life.

Love,

Inang