Tuesday, May 28, 2019

Black Magic 5 - Write Love: 3- Sparks



3 - Sparks
           AT tama nga si Jada, bumalik na siya sa kanyang normal na sarili. Noong dumaan siya sa convenience store ay nandoon si Hanz at ang mga kalaro nito sa basketball. Hindi siya pinansin nito kahit na alam niyang nakita siya nito. Tama ang kanyang teorya na kapag bumalik siya sa kanyang tunay na sarili ay hindi na siya nito mapapansin at ang ikinainis niya ay alam niyang tama siya pero nakaramdam siya ng disappointment kahit hindi dapat.
            “Meow.” Sumampa ang pusa sa tabi niya.
            “Leo, saan ka na naman galing na pusa ka?” kinarga niya ito at inamoy. “Bakit ang bango mo? Bakit amoy lalaki ka?” sigurado siyang perfume ng lalaki ang naaamoy niya sa pusa niya. “Don’t tell me naglalandi ka na talaga? Sosyal na lalaking pusa pa ang pinatulan mo at mamahalin ang pabango niya? Akala ko ba tomboy ka?”
            “Meow!”
            “Aw!” hiyaw niya ng kalmutin nito ang kanyang braso. Mukhang nagalit ito sa mahigpit na hawak niya kaya siya nito kinalmot. “Bad kitty.” Agad na lumabas ang pulang likido sa braso niya. She’s even wondering if the wounds were deep dahil masyadong maraming dugo ang lumalabas doon.
            “Meow.” Ngiyaw ng pusa na tila ba humihingi ng tawad. She just scratched her cat’s chin and sigh. Kasalanan din naman niya kung bakit siya nito nakalmot kaya hindi niya ito pwedeng sisihin. Pumunta siya sa kanyang banyo at kinuha ang medicine kit. Ginamot niya ang sarili kahit na maluha-luha na siya sa hapdi at sa sakit.
            “Kung hindi lang kitang mahal na pusa ka ipinakain na kita sa aso.”
            “Meow.” Napabuntong-hininga nalang siya.
            “Wala kang dinner tonight.” The cat rubbed its fur on her legs. Naglalambing na naman ito, at hindi niya kayang iresist ang charm ni Leo kapag naglalambing na ito sa kanya. “Fine. Papalusutin kita this time pero sa susunod ay wala ka talagang dinner.” Banta niya sa alaga niya na parang bata, nagbabakasakaling maiintindihan siya nito. Well, ilang beses na rin siyang nagbanta at ilang beses na rin naman niyang hindi tinuloy ang kanyang banta. She’s really hopeless.
            And when she said dinner, hindi niya inaasahan na makita ang sarili na nakaupo sa ibabaw ng kanyang Bermuda grass at kumakain ng take out foods. Nang dumating ang delivery ay hindi na siya pumasok sa loob ng bahay dahil ayaw niyang magkalat siya doon at saka malamig ang buong paligid, masarap ang ihip ng hangin at sobrang liwanag ng langit. Kapag na-i-stress siya sa nobelang sinusulat niya ay madalas nakahilata lang siya sa labas ng kanyang bahay habang nakatitig sa langit, the starry sky actually gives her some inspirations which she appreciates so much. Nasa tabi niya ang kanyang alagang pusa at nauna nang natulog sa kanya.
            “Leo.” Tawag niya dito. “I can’t write and I don’t know why.” Pag-amin niya. Kapag ganitong mga oras ay buhay na buhay ang kanyang brain cells at nakakatapos siya ng ilang mga chapters pero lately ay nag-iiba ang timpla niya. Halos hindi na niya matapos ang isang chapter sa loob ng isang araw, palagi siyang distracted and what’s worst, minsan ay natatagpuan niya ang sariling nakatitig sa monitor ng kanyang screen ng mga ilang oras. Oras at hindi minute. “I think I need a major break.”
            Humiga siya sa damuhan at hinayaan na hilain siya ng antok, everything just feels so good and she needs some sleep too.
            “Magkakasakit ka kapag dito ka natulog, Jada. Come on wake up.” Tinapik ni Jada ang makulit na bagay na kanina pa dumadapo sa pisngi niya. “Kinakain ka na ng lamok dito.”
            “Meow.” Narinig niya ang pusa niya.
            “Meow.” Wala sa sariling usal niya.
            “Sa kakasama mo diyan sa alaga mo nagiging pusa ka na rin. Wakey up, sleepy head.” Sa panaginip niya ay may malaking lamok na umaaligid sa kanya at pilit siyang ginigising. Successful na nahuli niya ang malaking lamok at kinagat niya iyon. “Ouch! Jada Kyrine!.” Doon lang siya tuluyang nagising. Iisang tao lang ang kilala niyang tumatawag sa kanya ng buong pangalan niya. She opened her eyes and saw Hanz.
            Wait lang! Ano ang ginagawa ni Hanz sa bakuran ko? Tanong ng may agiw niyang utak. “Alam kong gwapo ako pero huwag mo akong titigan ng ganyan baka ma-inlove ako sa iyo.”
            “And this is a nightmare, why are you here?”
            “Pakawalan mo muna ang kamay ko na kinagat mo.” Napatingin siya sa hawak niya at doon niya napagtantong palad nito ang nakagat niya kanina.
            “Sorry, akala ko lamok.” Pagka-bitaw niya sa palad ng lalaki ay pakiramdam niya ay biglang lumamig ang paligid. No, malamig talaga ang paligid lalo na at gumagabi na. Mainit lang talaga ang palad nito.             Agad siyang umupo ng maayos at hinayaan na matakpan ang mukha niya ng kulot niyang buhok.          
            “Bakit ka ba nandito?” ulit niya.
            “I saw you sleeping here akala ko nahimatay ka o ano.”       
            “I’m fine, thank you.” isa-isa niyang pinulot ang mga kalat sa buong paligid.
            “Seriously, Jada. You should have a healthy life style. Maaga kang mamamatay sa mga kinakain mong fastfood.” Umingos siya dito. Alam kasi niyang masyadong health conscious ang lalaki, madalas din itong nagjojogging. Minsan ay nakikita niya itong dumadaan sa harap ng kanyang bahay kapag madaling araw o kaya naman ay kapag dapit hapon. Madalas din kasi siyang gising ng mga oras na iyon lalo na kapag nagsusulat.
            “I’m fine.”
            “Sa ngayon.”
            “Stop nagging.” Akmang tatayo siya ng hindi niya maikilos ang kanyang binto.
            “What happened?” pansin nito.
            “Lactic acid fermentation.”
            Kumunot ang noo nito. “What?”
            “That happens when the muscles lack—pinupulikat yata ang binti ko. Just wait for a while.” She slowly moves his foot.
            “Are you sure you’re okay?”
            “Yeah.” Hinawi nito ang buhok at inipit iyon sa likod ng kanyang teynga. Sinamaan lang niya ng tingin ang lalaki, hindi niya alam kung ano ang plano nito pero may hindi siya magandang pakiramdam.
            “What?”
            “I’m fine now, pw-pwede ka ng umuwi.” Taboy niya sa binata. Sa halip na gawin ang kanyang utos ay ngumisi lang ito. Bumalik na ang tunay na Hanz.
            “Hindi magandang mag-stargazing sa bahay ko, dito nalang ako since I saved you from malaria and dengue awhile ago.” At ang magaling na lalaki ay umupo nga sa espasyo sa kanyang harapan.
            “Umuwi ka na nga Hanz baka may makakita as iyo dito ano na naman ang isipin ng mga kapitbahay ko.”
            “Kapitbahay natin, magkatabi lang ang phase natin. Bakit? Ano ba ang iisipin nila kapag nakita nila tayo dito sa harap ng bahay mo?” mas lalong lumapad ang ngisi nito. Alam niyang paglalaruan na naman siya nito. “Hindi dirty minded ang mga kapitbahay natin, Jada. They are decent people, they will probably think that we are friends hanging and talking about life and anything under the moon.”
            Tinaasan niya ito ng kilay. “News flash, Hanz. Magkaibigan ba tayo?”
            “No.” mabilis na sagot nito.
            “See.” Muli niya itong inirapan.         
            “Ang hilig mo talagang mang-irap. Baka isang araw umikot na iyang mata mo.” Inis na hinampas niya ito. “Ouch!”
            “May lamok.”
            “Nakadalawa ka na sa akin, Jada. Kinagat mo na nga ako, hinampas pa.”
            “Sa laki ng mga muscles mo sigurado akong hindi ka nasaktan kaya huwag kang over-acting.” Ngumiti ito sa kanya. This time ay totoong ngiti iyon, walang halong kung ano tapos ay biglang sumeryoso ang anyo ng lalaki. Tatakbo na ba siya sa loob ng kanyang bahay? Wait lang, bakit biglang lumakas ang tibok ng puso niya habang nakatitig ito sa kanya.
            “Hanz! Hanz!” isang boses ng babae ang narinig niya mula kung saan.
            “Holy cow.” Mahinang napamura si Hanz na tila ba hindi alam ang gagawin. Nagsalubong ang kanyang kilay dahil may palagay na siya kung bakit tila napaparanoid ito. Ilang beses na niya itong nasaksihan at wala ng bago doon. He never changed.
            “Harapin mo ang naghahanap sa iyo Hanz. Huwag kang parang kriminal na naghahanap ng matataguan. That’s so you, grow up will you?” hindi niya alam kung para kanino ang inis na nararamdaman niya ng mga sandaling iyon. She’d rather keep it to herself. Pinulot niya ang mga kalat at pumasok na ng bahay. Wala siyang balak na maging ‘witness’ na naman kung paano ‘palayain’ ni Hanz ang isa na namang kabaro niya.

“NAGPAPAINOM ka, Hanz. Tatakbo ka ba sa susunod na eleksyon?” biro ni Genesis na may karga-kargang bata. Alam niyang nakainom siya pero sigurado siyang bata ang nakikita niyang karga nito.
            “Kailan ka pa nagkaanak?” tanong ni Howard.
            “Kay Margareth ito.”
            “Kailan pa nagkaanak si Margareth?” kunot-noong tanong niya.
            “Sa kasamahan niya ito sa trabaho. Huwag mo ng isipin na magkaaanak pa ang babaeng iyon, hindi nga niya maayos-ayos ang sarili niyang bahay.”
            Tumanggi ito sa baso ng alak na ibinigay niya kaya siya ang umubos. “Bakit parang sawing-palad ang drama mo ngayon?” baling nito sa kanya.
            “He’s fine.” Ani ni Howard. “Nasagi lang ang ego niya kaya nagpapainom siya.”
            Malakas na ibinaba niya sa mesa ang basong walang laman. “She said I need to grow up. Mas matangkad pa nga ako sa kanya.” Parang tape recorder ang boses ni Jada na paulit-ulit na tumutugtog sa kanyang teynga.
            “What happened?”
            “Sally was looking for me. Matagal na kaming walang relasyon and she irritates the hell out of me. At hindi man lang ako tinulungan ni Jada na magtago instead she told me to face her and grow up. That’s below the belt.” Nagsalin siya ng alak sa kanyang baso at inisang lagok iyon.           
            Napansin niyang nagtinginan ang dalawang kasama na para bang sumasang-ayon sa sinabi ni Jada. Hindi niya matanggap ang sinabi nito dahil una sa lahat ay hindi siya nito kilala. Hindi nito alam kung ano ang nangyari at kung bakit ayaw niyang makaharap ang dating kasintahan.
            “What?” iritadong tanong niya.
            “Kaibigan ka namin Johannes pero may punto si Jada. Finally, someone got a nerve and said that to you.” mas lalong hindi naging maganda ang kanyang mood dahil sa pagkampi nito sa babaeng kapitbahay. “Kapag umaayaw ka na ay mabilis kang nakapagtatago at hindi mo na hinaharap ang mga naging ex-girlfriend mo hanggang sila na ang mapagod at umayaw.”
            “That’s not my fault.”
            “It is. Let’s face reality Hanz, walang babaeng nagtatagal sa iyo at hindi namin alam kung ano ang problema mo sa kanila. They seem fine.”
            “They seem fine until they get clingy. Alam niyong ayoko sa mga clingy, it’s irritating.”
            “Dapat ay sabihin mo sa kanila ng diretso at hindi nalang basta-basta iniiwasan. You are our friend at alam namin na hindi maganda ang ginagawa mo. Nahihirapan din kaming mag-open up sa iyo dahil alam namin na dedepensahan mo ang sarili mo. But since some finally said the words that we wanted to tell you, lubusin na natin. Straight up man, tama si Jada. It’s so you and you really need to grow up. Baka sa kakatakas at kakatago mo ay hindi mo na makita ang babaeng para talaga sa iyo.”
            Walang kagatol-gatol at diretsahang buwelta ni Howard sa kanya. His friend’s words of wisdom hit a nerve.
            “Don’t be offended Hanz. This is actually for your own good.” Segunda ni Genesis. “I am your friend at alam kong kasalanan ko rin kung bakit hindi kita nasasabihan.” Of course the ‘man’ inside him can’t accept the fact that his friends were right.
            “And we want to thank Jada for knocking some sense in you. Thank her when you are sober."
            “I’m not drunk.” He finally found his tongue. Sometimes reality really hurts but somehow he’s thankful that his friends told him his mistakes.
            “I am a serious person.” Aniya pagkatapos.
            “Tama ka naman, seryosong tao ka talaga pero hindi pagdating sa babae. Bakit nga ba wala ka pang nagiging seryosong girlfriend hanggang ngayon? At huwag mong sabihin na meron dahil kahit kailan wala pang babae na umabot ng isang buwan sa iyo.”
            Napakamot siya ng ulo. “It’s not my fault, wala lang talaga kaming sparks.”          
            “Sparks? Anong sparks?” inis na tanong ni Genesis.
            “Iyong tulad sa mga pocketbooks, basta may sparks.”
            Nagkatinginan ang dalawang kasama pagkatapos ay malakas na tumawa. “Hanz, huwag mong sabihin na binabasa mo ang mga romance novels na sinusulat ni Jada?”
            Shit! “Of-of course not!” muli siyang tumungga ng alak.
            “Huwag ka ng magdeny, sabi mo tulad sa mga pocketbooks. Hindi kami mahilig magbasa ng romance novels.”
            “Aminin mo na, nagbabasa ka.” Tukso sa kanya ni Genesis.
            “Ano naman ngayon kung nagbabasa ako. I’m a fan.” Tuluyan ng pumait ang panlasa niya. “Bakit ang pangit ng lasa ng tubig ngayon?”
            “Dahil hindi iyan tubig, beer iyan. Lasing ka na nga.”
            “Meow.”
            “May bisita ka.” Turo ni Howard sa pusa ni Jada na naligaw na naman sa bahay niya. Napapansin niyang nagiging paboritong tambayan na ng pusa niya ang kanyang bahay. “Mabuti pa ang pusa ni Jada binibisita ka.”
            “Oh, Leo! Come here girl.” Agad na tumalon ang pusa sa lap niya at doon natulog. “You are my favourite girl now. I don’t like your master, she’s just so-.”
            “Sige kausapin mo pa iyang pusa ni Jada.”
            “Howard, hindi na ako magtatagal ibabalik ko pa itong bata kay Ga. Tapos na sigurong maligo ang babaeng iyon.”
            Sinundan niya ng tingin si Genesis. “I think Genesis likes Margareth.” Aniya.
            “Hmn?”
            “Hindi iyon aalis kapag naliligo ang isang babae. Unless affected siya sa ideyang naliligo ang babae at silang dalawa lang sa bahay nito.”
            “May malaking chance.” Bumaling si Howard sa kanya. “Ibalik mo kay Jada iyang pusa niya malamang natataranta na naman iyon sa paghahanap ng lagalag niyang alaga.” Tiningnan at hinaplos niya ang puting pusa na nasa kandungan niya.
            “Call her Howard.”
            “What? Why?”
            “Call her and tell her I catnapped her cat and I am about to make this one into a delicious siopao.”
            “Gago.”          



<3 <3 <3
CTTO
A/N: Enjoy reading everyone!

Sunday, May 26, 2019

Black Magic 5 - Write Love: 2 - Courting?


2 – Courting
            “OH, wow.” Alam niya kung bakit parang tanga at nakatulala sa kanya si Dorothy. “Anong meron at ang ganda-ganda mo ngayon?” napasulyap siya sa salamin at pilit na sinasabi sa sarili na presentable na siyang tingnan. Pero pakiramdam niya ay hindi pa rin ganoon ka-komportable sa kanyang suot. “Bagay sa iyo ang ganyang ayos. It’s so refreshing.”
            “Do I look okay?” She is wearing a flowy floral dress that emphasizes her curves. Inayos niya ang pagkakasuklay ng buhok niya kanina upang hindi masyadong buhaghag. “Hindi ba pangit?”
            Dorothy, her bestfriend rolled her eyes at her. “Kahit kailan hindi ka pumangit. You are very pretty pero hindi mo iyon matanggap sa sarili mo.” Tipid na ngumiti lang siya sa kaibigan niya. Of course sasabihin nito na maganda siya dahil kaibigan siya nito but she doubted if it was true. Dorothy always makes her feel good kahit na dati pa. “Saan ka ba pupunta?”
            “May family lunch kami today. Kahit ayokong pumunta ay sigurado akong tatawagan at bubulabugin ako ni mama.” Na-mi-miss na rin niya ang kanyang Mama. It has been months since she last saw her family.
            “Kaya ka pala nagpapaganda.” Kinarga nito si Leo.
            “Kapag nakita ni Mama na para akong taong grasa siguradong papauwiin niya ako sa bahay.” Tumango-tango ito, kilala ni Dorothy ang nanay niya at alam nitong hobby nito ang mag-alala sa kanya.
            “Sasamahan kitang bumili ng flowers para kay Tita.”
            “Salamat at pumayag kang bantayan si Leo, Dorothy.”
            “Sus, para ka namang others.” Hinalikan nito ang pusa niya. “At saka gustong-gusto koi tong si Snowbell.” The cat just purred. Ayaw nitong tinatawag na Snowbell but Dorothy loves calling her cat snowbell dahil kamukha daw nito ang pusa sa Stuart Little.  
            “Mabuti nalang at wala na ang kuya mo sa bahay mo, hindi ba allergic siya sa pusa?”
            “Allergic iyon sa mabalahibo. Mabuti na nga lang at may vacant na unit sa WinterVille at agad siyang nakabili.”
            “Winterville? Akala ko sa SummerVille siya? Kapitbahay sila ni Xylie hindi ba?”
            “Naibenta na niya, mas gusto daw niya sa WinterVille kasi malaki ang bahay. Gusto daw niya ng maraming anak kapag nakasal na sila ni Xylie.”
            “Kailan nga pala ang kasal nila?”
            “This April na, para sakto daw na bakasyon ni Xylie at marami silang time mag-honeymoon.” Napangiti siya sa sinabi nito. Na-witness niya actually ang love story ng dalawa sa katunayan ay pinagkakakitaan na niya iyon. Ire-regalo niya sa dalawa ang published novel niya sa kasal. “Gusto mong ihatid na kita?” may sariling kotse ang kaibigan, it’s a company car.
            “Hindi na, mag-Ga-Grab nalang ako.”
            “Sure ka?  Sa ganda mong iyan baka ma-kidnap ka.” Tinaasan niya ito ng kilay.
            “Sa ganda kong ito sure akong walang magkaka-interes sa akin.” Bawi niya dito. Kinuha niya ang kanyang shoulder bag at ang susi ng kanyang bahay. “Tara na. Baka ma-traffic ako sa daan.”
            Papunta na sila sa Blooms Stations. Paborito ng Mama niya ang mga de-pasong maliliit na halaman ni Pamela. Kahit ang ate niya ay ganoon din. Napadaan sila sa bagong bukas na concenience store katabi lang ng Blooms. Madalas niyang nakikita ang mga kapitbahay na tumatambay doon at nagkukwentuhan, dala siguro ng init ng panahon kaya wala gaanong tao sa labas.
            “Jada, pwede bang dito na ako sa convenience store maghihintay sa iyo? Alam mo naman na allergic ako sa mga halaman.”
            “Sure, no problem. Sandali lang ako sa Blooms.”     
            Wala pang limang minuto ay nakalabas na siya ng Blooms. Kumuha lang siya ng mga nasa display at binayaran. Hindi siya mahilig sa shopping kaya kahit ang sa halaman ay kung ano ang unang madampot ay iyon na ang kukunin niya.
            Pumasok siya sa concenience at hinanap ang kaibigan. “Dorothy—ohh.” Kaya pala walang tao sa labas dahil nasa loob at katabi sa centralized aircondition unit.
            “Looking good, Jada.” Puri sa kanya ni Yumi. “May date ka ba?”
            Ngumiti lang siya. “May meeting ba dito?”
            “Oo, nga. Are you plotting something?” Parang natulos siya sa kanyang kinatatayuan nang may maramdaman na brasong biglang umakbay sa kanya. Wala siyang nagawa kundi ang tingnan ang kampateng taong nakahawak sa kanya. “Parang may nagbago sa iyo Jada Kyrine.” He scanned her face and the heck, did her heart just skip a beat? “Inubos mo ba ang lahat ng kulay ng printer para kulayan ang mukha mo?” pang-aasar nito. Inis na siniko niya ang tagiliran ni Hanz kaya napabitiw ito sa kanya. “Ang harsh mo talaga.”
Ayaw niyang pansinin ang lalaki dahil hindi pa rin niya nakakalimutan ang pag-catnap nito sa kanyang alaga at ang kakaibang reaksyon niya dito. It wasn’t something she was expecting.
            “None of your freaking business.” Sumipol ang mga kalalakihan na nanonood sa kanila dahil sa pagsagot niya. Pati na rin iyong mga babae na kapitbahay ay may kakaibang tawa habang nakatitig sa kanila ni Hanz. Kilala si Hanz bilang ‘ladies man’, witness siya doon. Walang babaeng nakakatagal na makipagsungitan dito dahil nadadala nito ng charms nito. Well, except her.
            “Bagay naman pala kayo ni Hanz, Jada. Keysa magbangayan kayo bakit hindi nalang maging kayo?” biglang tanong ni Nicolo. Kumunot ang kanyang noo, nagkasalubong ang kanyang kilay at nanulis ang kanyang labi sa ideyang iyon. Si Hanz? Magkakagusto sa kanya? Sa dinami-dami ng babaeng naka-date nito mula noong college, walang-wala siya sa kalingk ingan ng mga babaeng iyon. Sikat ang lalaki sa kanilang university dahil hindi lang ito may hitsura, magaling din ito sa larangan ng soccer player at hindi lang iyon. Kahit ayaw niyang aminin ay magaling din ito sa academics. Playboy ito pero madalas ito sa library dati.
            “Bakit mukhang ikaw pa ang lugi sa ideyang maging girlfriend ko, Jada? I feel offended.” Inirapan lang niya ang lalaki at malakas na hinampas sa braso. “Aw! Hindi pa man tayo nagiging battered boyfriend na ako.” Maarteng hinimas nito ang braso nitong hinampas niya bago bumaling sa mga nandoon. “Witness kayo kung paano ako naging battered boyfriend nitong babaeng ito.”
            “Meow!”
            “Tingnan mo Jada pati ang pusa mo alam na ina-under mo na ako.” Parang batang ani nito.
            “Hindi mo pa ako girlfriend!” inis na hinampas ulit niya si Hanz, akala niya ay may isasagot na naman ito pero nagkamali siya dahil may kakaibang ngisi sa labi nito.
            “Pa? Hindi pa? So, gusto mong maging girlfriend ko?”
            “Oy, witness kami sa pagtatapat ni Jada.” Sigaw ni Genesis.
            She huffed, kapag pinatulan pa niya ang mga ito ay sigurado siyang siya lang ang maiinis ng husto. Tiningnan niya ang kanyang cellphone at napa-awang ag kanyang labi ng ma-realized na kanina pa pala dumating iyong Grab niya pero dahil matagal siyang nag-response kaya umalis na ito.
            “Excuse me, I need to go.” Paalam niya sa mga ito.
            “Ihatid mo si Jada, Hanz. Kapag nanliligaw ka dapat nagpapalakas ka sa nililigawan mo.” Suhestiyon ni Genesis.
            “Nanliligaw? Sinong—oh, okay.”
Hindi na niya pinansin ang mga ito at lumabas na siya sa convenience store. Ipapasok niya sa utak niya na hindi na siya kailanman papasok sa convenience store ng ganitong oras dahil baka mapagtripan na naman siya. Nagpunta siya sa waiting shed at binuksan ang application para makapag-book uli ng sasakyan. Mabuti nalang at may nakuha agad siyang driver at two minutes nalang ang kailangan niyang hintayin.
“Jada-.”
“What?” matabang na tanong niya kay Hanz na nakasunod sa kanya.
“Ihahatid na kita.” Sinamaan lang niya ito ng tingin. “What? I’m a good guy, I am offering you a ride.”
“Hindi na salamat nalang, ayokong magkautang na loob sa iyo. Mahilig ka pa namang maningil.” Huminto na ang na-booked niyang sasakyan at bago pa man siya makarating sa kotse ay nauna ng buksan ni Hanz ang pintuan nito.
            “This is for free, I’m a gentleman.” Inirapan lang niya ito at saka siya pumasok sa kotse. “Boss, ingatan mo ito.”
            “Yes, boss.”
            Ito na mismo ang nagsara ng pintuan. She instructed the driver where to go. Habang papalayo ang sinasakyan ay hindi niya maiwasan ang sariling hindi sulyapan si Hanz na nakamasid lang sa kanila.
            Ang weird ng lalaking iyon ngayon. Napasulyap siya sa rear mirror and found herself surprised to see herself. Nakalimutan niyang nakaayos pala siya at mukha siyang tao. Kaya siguro ganoon si Hanz dahil mukha akong tao ngayon, kapag nagbalik na ako sa normal kong sarili siguradong hindi na ako papansinin ng lalaking iyon.

            “MAMA.” Bati niya sa ina nang makita ito sa faboritong family restaurant nila. “Papa.” Pagkatapos halikan sa pisngi ang ina ay nagmano naman siya sa kanyang ama. At tinanguan ang ate at ang asawa nito. Dalawa lang silang magkapatid at pawang babae. Magkaibang-magkaiba ang kanilang personality. She’s introvert while Janina is an extrovert. Her sister loves hanging with people while she on the other hand loves being alone.
            “Why are you late?” dating sundalo ang kanyang ama kaya ayaw na ayaw nitong nahuhuli siya sa usapan.
            “Sorry po, medyo traffic lang.”
            “Ano ba Nestor? Parang hindi ka na nasanay sa anak mong iyan.” Biro ng kanyang ina.
            “So, Sis. How’s your new book? My friends are waiting for the next series, I hope you can release it so soon.”
            “I’m still working on it, ate.” Matipid niyang sagot. Wala silang problemang magkapatid pero kapag kausap kasi niya si Janina ay pakiramdam niya ay nauubos ang energy niya. Hindi niya kayang pantayan ang energy nito.
            “Anong gusto mong kainin, Jada?” sa tingin niya ay nakapag-order na ang mga ito.
            “Kahit na ano nalang, Ma. Hindi pa rin naman po ako gutom.”
            Napansin niyang tila may pinag-uusapan ang ate at ang asawa nitong si Jasper habang pasulyap-sulyap sa kanya.
            “Why?”
            “Uhm, sis. May offer si Jasper sa iyo.” Kumunot ang kanyang noo. Kilala niya si Jasper, isa ito sa heads ng publishing company kung saan siya nagpapasa ng mga manuscript. Parang boss na rin niya ito.
            “Hmn?”
            “Gusto mo bang magsulat sa Amore Gazette, Jada?” Ang Amore Gazette ang isa sa pinakatanyag na magazine sa bansa na under din sa Amore Publishing Company. “I’m the new Chief Editor of Amore Gazette and we are having a major revamp, I want to hire you as our writer.”
            “Writer? Kasi kuya Jas, I’m not really into technical writing. Ibang-iba ang pagsusulat ng nobela keysa sa pagsusulat sa isang magazine.” Aniya. She likes the idea of working in the Amore Gazette pero pakiramdam niya ay hindi siya magwo-work out doon.
            “Bakit hindi mo tanggapin ang offer ni Jasper, Jada? Hindi panghabang buhay iyang pagsusulat mo, mas maganda pa rin iyong may regular kang trabaho.” Ani ng kanyang ama. Ayaw na ayaw ng tatay niya sa kanyang piniling propesyon dahil hindi raw siya mabubuhay sa pagsusulat lang pero dahil matigas ang kanyang ulo kaya sinuway niya ang ama. Sa tingin nga niya ay hanggang ngayon ay may sama pa rin ito ng loob sa kanya.
            “Hindi naman namin sinasabi na kunin mo agad-agad iyong trabaho, anak.” Hinawakan ng kanyang ina ang kanyang palad. “Pag-isipan mo muna.”
            “Si-sige po.”
            “Then, that’s great!” masayang ani ni Jasper. Dumating na ang kanilang pagkain at habang tahimik na ninanamnam ang grasyang nasa kanyang harapan ay pinutol iyon ng kanyang ate.
            “Everyone, may importanteng announcement lang kami ni Jasper sa inyo.” Sinulyapan lang niya ang kapatid na abot hanggang teynga ang ngiti.
            “Is that a good news?” sunod-sunod na tumango ang ate niya.
            Humilig ito sa balikat ng asawa. “We are pregnant. Mabibigyan na namin kayo sa wakas ng apo.”
            “Oh my God!” bulalas ng kanyang ina. Halata sa mukha nito na sobrang saya at excited ito. “Congratulations, Janine and Jasper. Finally, magkakaroon na kami ng apo.”
            “Yes, mama. I’m actually two months pregnant na.”
            “Mabuti pa ang ate mo Jada magkaka-anak na. Ikaw kailan ka mag-aasawa? Beinte otso ka, hindi magandang tumanda kang dalaga.” Siya na naman ang nakita ng kanyang ama.
            “Nestor, huwag mong madaliin ang anak mo.”
            “At kailan siya magmamadali Camilla, kapag matanda na siya?”
            Nandito na naman sila sa paboritong usapan ng kanyang pamilya ang kanyang love life na sa tingin niya ay matagal ng patay.
            “Pa, chill lang. Hindi naman ako naghahanap.”
            “Iyan ang problema sa iyong bata ka, masyado kang kampante na kaya mong mabuhay ng mag-isa kapag tumanda ka na.”
            Ngumuso lang ulit siya. SInipa siya ng ina sa ilalim ng mesa at sinasabi nitong huwag patulan ang ama niya. Kaya nanahimik nalang siya upang walang gulo. Ayaw niyang guluhin ang good news ng kapatid niya, dahil magiging tita na siya at marami siyang ituturong maganda sa pamangkin niya.

            “Jada, may na-se-sense na akong hindi magandang plano mo para sa anak ko. Don’t every spoil her or him.” Bumalik siya sa pagkain at lihim na ngumisi. Of course, gagawin niya iyon. She will spoil her future pamangkin. She just loves babies!



<3 <3 <3
CTTO


A/N: Two chapters lang muna today mga babies, magsusulat pa ako ng next chap ni Hexel. Enjoy reading!




Previous Chapter:
Chapter 1: https://www.iamyourlovelywriterwp.com/2019/05/black-magic-5-write-love-1-persian-cat.html

About Me

My photo
iamyourlovelywriter is a science teacher who loves to read, write, surf the net and EAT. She also loves to travel and just write anything under the sun that fancy her. English is not her first language, she's a Bisaya by heart and loves to write romance novels in Tagalog. Her favorite part of her updates are her A/N or Author's Note. So, her blog is more on an elongated version of her a/n, p.s, and pps.
 

The House of Ink Template by Ipietoon Cute Blog Design and Bukit Gambang