Saturday, April 1, 2017

Black Magic 2 - Bloom Love : 5 - Orange Gardenia

5 – Orange Gardenia
            KUNOT-NOONG napatingin siya sa bagong pasok sa Bloom Station, hindi nga siya pwedeng magkamali at kilala niya ang lalaking ito.
            “Oppa!” tawag ni April sa lalaki.
            “April, gusto mong oppa-kan kita?” inis na tanong niya dito.
            “Hala si ate Pam high blood na high blood.” Anitong hindi sineryoso ang banta niya. “Annyeo-.”
            “Hindi iyan Koreano, intsik iyan.”
            “Hello, Pamela.” Bati ni Earl sa kanya ang pinakahuling boyfriend ni Mayumi na bigla rin na nawala at hindi na nagpakita pa. “How are you?”
            “Anong ginagawa mo sa flower shop ko?” aniyang itinuloy ang pagwra-wrap ng mga bulaklak.
            “Bibili ako ng flowers para kay Yumi.” Tumikwas lang ang kilay niya sa sinabi nito at hindi niya napigilan ang matawa. “Bakit?” mas lalong sumingkit ang singkit na mata nito. “May nakakatawa ba sa sinabi ko?”
            “Wala naman ang nakakatawa lang ay ang ginagawa niyo.” Mas lalong nagtaka ito. “Iiwanan niyo at babalikan, ano ang tingin niyo sa kaibigan ko isang aso?”
            “It wasn’t my intention to leave Yumi back then.”
            “Pero ginawa mo, hindi ako naniniwala sa wala akong intension lines niyo. Don’t tell me hindi ka marunong mag-dial ng number sa telepono? O kaya naman ay magtext ng hi and good bye sa cellphone? How about e-mails?” natigilan ito sa sinabi niya. “Huwag mong isipin na pinapagalitan kita dahil hindi, sinasabi ko lang ang point ko dahil kaibigan ko ang nasaktan. I won’t condemn you as well dahil si Yumi ang may karapatang gumawa ng bagay na iyan. Pero ang masasabi ko lang, kapag iniwanan na, huwag ng balikan kung iiwan mo lang namang muli. At saka sigurado ka bang may babalikan ka pa?”
            “Nanliligaw uli ako sa kanya?”
            “Pumayag ba siya?”
            “Oo.”
            “Sa tingin mo may pag-asa ka pa ba?” that question rendered the man speechless. “Natahimik ka yata?”
            “Matalas pa rin ang dila mo Pamela kahit kailan.” Umiiling na komento nito. “Huwag mong putulin ang kaunting pag-asa na meron ako.”
            Nagkibit-balikat siya. “Oh well, go on. Basta dito ka sa flowershop ko bibili ng flowers, dadagdagan ko rin ng ten percent tax ang bawat halaga ng produkto ko na bibilhin mo. Kabayaran iyan sa dami ng oras na nasayang ko dahil sa kakaalo kay Mayumi noong hiniwalayan mo siya.” Ngumiwi lang ito sa sinabi niya. “Deal or no deal?”
            Malakas itong napabuntong-hininga. “All right, it’s a deal.”
            “Very good. Pumili ka na ng mga bulaklak.” Napangisi nalang siya. Sana pala ay sinabihan niya si Yumi noon na mag-boyfriend ng marami para marami siyang customers. Umalis na si Earl at kinalabit siya ni April.
            “Ang daming gwapong ex-boyfriend si ate Yumi, ‘te Pam.”
            “Dalawa lang ang naging ex-boyfriend ni Yumi hindi gaanong marami iyon.”
            “Una si kuya Nico tapos si kuya Oppa.”
            “Chinese si Earl at huwag kang maglandi diyan baka hindi ka makapagtapos ng college dahil sa kaka-eye sight mo ng mga gwapo.”
            “Admiration lang naman iyo ‘te. Gusto ko ng maraming crush para mas maraming inspiration. At safe ang crush.”
            “At paanong naging safe ang pagka-crush?”
            “Kapag crush mo lang kahit na makipagdate pa ang taong iyon ng milyon na babae hindi ka mahuhurt, magiging masaya ka kapag may nahanap siyang mamahalin niya. Kapag love kasi ‘te, nasasaktan ka na kahit na tumingin lang siya sa iba.” Tinaasan lang niya ng kilay si April.
            “Ang dami mong alam samantalang hindi ka pa nagkakaboyfriend.”
            Bumungisngis lang ito at may kinuhang isang maliit na libro sa loob ng bulsa ng suot nitong apron.”Ang galing na writer kasi nitong si Lace Black.”
            Itatanong sana niya kung sino si Lace Black ng tumunog ang wind chime sa may entrance ng Bloom Station at pumasok ang isang maliit na babae na nakasuot ng malaking salamin sa mata, nakapambahay na shirt din ito at cotton shorts, may hawak itong laptop at sa kabilang kamay ay plastic cup na may lamang kape na may tatak ng isang coffee shop na nasa subdivision lang nila.
            “Hello.” Bati niya sa bagong dating. Ini-adjust lang nito ang eye glasses nito. Doon lang niya napansin na sabog-sabog din ang kulot-kulot nitong buhok na tila ba ilang araw na hindi nasusuklayan.
            “Hi.” Tila nahihiyang bati nito. “Can I buy some flowers?”
            “Sure, for what occasion?”
            “Wa-wala.” Nagstu-stummer din ito. “Sa-sa k-kwarto ko lang i-ilalagay.” Hinayaan niya itong mamili ng bulaklak. Hindi pa niya ito nakikita sa barangay nila sigurado ay bago din ito.
            “Ang weird ng mga tao sa subdivision niyo ‘te Pam.” Siniko niya si April at sinamaan ng tingin dahil pabalik na ang customer nila.
            “Orange Gardenia.” Aniya. “That means, secret love, kung may tao kang gusto at hindi mo masabi sa kanya ang tungkol sa feelings mo you can always give him a gardenia.”
            The woman adjusted her glasses. “Ta-talaga? To-totoo palang may meaning ang mga flowers.”
            “Every thing has meanings nasa tao lang kung maniniwala siya sa meaning na iyon.” Ibinalot niya sa magandang papel ang mga bulaklak. Nanghihinayang kasi siyang ibalot lang iyon sa news paper. “Bago ka dito?”
            Umiling ito sa tanong niya. “Matagal na ako dito hindi lang ako masyadong naglalabas.”
            “Oh my, I am sorry ngayon lang kasi kita nakita dito. Ako nga pala si Pamela at ito naman si April ang assistant ko.”
            “Lace. Ako si Lace.”
            “Kapangalan mo iyong favorite author ko.” singit ni April na kanina lang ay sinabihan itong weird. “Si Lace Black.”
            Ngumiti lang si Lace kay April at ibinigay ang pera sa kanya na bayad ng mga bulaklak nito at saka nagpaalam na umalis.
            “Ang weird talaga niya.”
            “May kanya-kanyang kaweirduhan ang mga tao.”
            “Pero mas weird siya.”
            “Aalis muna ako, may pupuntahan lang ako.” Gusto lang talaga niyang uminom ng kape dahil nainggit siya sa bitbit na kape ni Lace kanina.

            “Hahanapin ka ni Kuya Nico, ten minutes nalang ay darating na iyon.” Hindi niya ito pinansin, nasanay kasi itong sa palaging oras dumarating sa shop ang suki niyang iyon. At saka hindi naman siya ang talagang pakay nito kundi ang mga bulaklak sa Bloom Station.

<3 <3 <3

T B C

* Photo CTTO

LOVE,
INANG

Black Magic 2 - Bloom Love: 4 - Lavender

4 – Lavender
            “HI!” napatigil siya sa pagkuha ng mga canned goods sa estante ng grocery store at napatingin sa bumati sa kanya. “Long time no see.”
            Awtomatikong napangiti siya kay Nicolo, nakakahawa ang ngiti nito. “Hello din, oo nga medyo matagal na rin noong huli kitang nakita.”
            “Hindi na kita nakikita sa flowershop mo, palaging ang assistant mo nalang ang nandoon.” May halong tampo ang boses nito pero alam niyang nagbibiro lang ito dahil agad din itong ngumiti.
            “May extra classes kasi ako ngayon.”  Agad na bumakas ang pagtataka sa mata nito. “Kumukuha ako ng special classes para sa pag-aalaga ng mga bulaklak at kung paano mag-arrange ng mga flowers.”
            “Ah, akala ko nag-aral ka uli.”
            She waved her fingers dismissing the thought. “Tapos na ako sa pag-aaral ayoko ng balikan ang masalimuot nakaraan kong iyon.” Biro niya dito.
            “Akala ko ba kapag nakapagraduate ka na ay mamimiss mo ang school, applicable kasi iyon sa akin.”
            “Noong una ay naisip ko na rin iyan, pero kapag may nahanap ka ng gustong-gusto mong gawin hindi na dadaan uli sa isip mo ang bagay na iyon.” Tinapos na niya ang pagkuha ng groceries niya. “Anong ginagawa mo dito? Nandito ba si Yumi?”
            “Namimili din ako.” Turo nito sa basket nito. Napangiwi siya ng makitang ang laman ng basket nito ay puro canned beers at junk foods.
            “Mukhang naging busy na nga ako at hindi ako nag-inform na balak mo na palang wakasan ang buhay mo.” malakas na tumawa si Nicolo sa sinabi niya. “I am not kidding.”
            “Ngayong araw ang opisyal na paglipat ko sa subdivision, marami akong mga naging kaibigan dito and we are going to celebrate.” Sinulyapan nito ang laman nito. “I am not going to drink it all alone so don’t worry.”
            “Hindi ako nagwoworry, naisip ko lang na walang kwenta ang pagpapansin mo kay Yumi kung mamamatay ka rin ng maaga dahil sa paglaklak mo ng alak at vetsin, but since you are going to share it with your friends at least share-share kayo sa biyaya.” She doesn’t know if he hinted her sarcasm but hopefully he did. “Mauuna na ako, kailangan ko ng bumalik sa Bloom station.” Paalam niya kay Nico at naglakad papunta sa cashier ng bigla siya nitong tawagin.
            “Pamela.”
            “Yeah?”
            “Bagay sa iyo.”
            Kumunot ang noo niya sa sinabi nito. “Ang alin?”
            “Your new hairstyle and hair color, bagay sa iyo.” wala sa sariling napahawak siya sa buhok niya. She did have her hair styled earlier. Nangangati na kasi ang batok niya sa humahabang buhok kaya pinatrimmed niya iyon, linagyan din ng bangs at pinakulayan niya ng mahogany brown.
            “Thanks.” Iyon lang ang nasagot niya at tuluyan na itong tinalikuran. She felt weird… medyo matagal na rin noong huling may pumuring lalaki sa hitsura niya kaya siguro ganoon nalang ang kanyang nararamdaman. Napabuntong-hininga nalang siya, maybe she should start dating again, nagiging ignorante na kasi siya sa mga nararamdaman niya against the opposite sex. Tama, iyon ang gagawin niya. Subok lang.

            “WHAT’S this flower?”
            “Akala ko ba mag-iinuman kayo ng mga kaibigan mo sa bahay mo?” balik na tanong niya kay Nicolo.
            “They are already drunk, bagsak na sila lahat.”
            “Ang hihina pala sa alak ang mga kabarangay natin ano?” biro niya. “Saang phase ka nga nakatira?”
            “Phase three, sa SummerVille.”
            “Ay, hindi pala kita kabarangay. Sa barangay ka ni Sweetheart.”
            “Sweetheart?” kunot-noong tanong nito.
            “Lumipat ka dito hindi mo kilala ang barangay captain mo? Kapag narinig ka niya baka palayasin ka sa barangay niya.”
            “Huwag naman, secret lang natin na hindi ko siya kilala.”
            “Mukhang si Yumi lang talaga ang kilala mo dito sa barangay Nicolo na babae, iyang pagsinta mo sa kaibigan ko may progress na ba?”
            “I know you.”
            “What?”
            “Hindi lang si Yumi ang kakilala ko dito sa subdivision, kilala din kita.” Kinuha nito ang basket ng mga bulaklak na kanina pa nito pinagdidiskitsahan. “Lavenders, means charming. Will I charm the woman that I like with these?”
            “Bakit hindi mo subukan?”
            Inilagay nito sa harap niya ang basket ng bulaklak na kinuha nito. “I’ll buy these, how much?” she gave him the price. “Thanks for your help Pamela.”
            “Thanks for the income NIcolo.” Kumaway siya habang pinapanood ang pag-alis nito.
            “Bakit feeling ko ate Pam, may nag-iba.” Muntik na siyang mapasigaw sa biglaang pagsulpot ni April sa tabi niya.
            “A-anong naiba?”
            “Basta, kung hindi ko lang alam na nililigawan ni kuya Nico si ate Yumi baka isipin kong ang dahilan ng pagbalik-balik niya dito sa flower shop ay dahil sa iyo.
            Natawa nalang siya sa sinabi ni April. “Don’t think anything else April. Matagal ko ng kilala si Nicolo, simula pa noong nililigawan pa niya si Yumi way back college days. At isa lang ang sasabihin ko sa iyo, iyong lalaking iyon kapag may nililigawan na hindi iyon titingin sa iba. Siya ang tipo na loyal sa babaeng gusto niya.”
            “Talaga? Ang swerte naman ni ate Yumi kung ganoon.”
            “Maswerte talaga si Yumi pero…” may malungkot na ngiti sa kanyang mga labi. “Mukhang hindi na mananalo ang manok natin April.”
            “Sa tingin ko nga rin ate.”
            Pumunta kasi dito isang araw si Yumi upang bisitahin siya sa kasamaang palad ay nagpunta din si Howard. Nakita niya kung paano umiyak ang kaibigan niya noong akala nito ay girlfriend ni Howard si Sweetheart. At iyong moment na iyon sigurado na siyang may nararamdaman na si Yumi para sa binata. At si Nico, sigurado din siyang wala itong chance sa kaibigan niya.
            “Kawawa naman si kuya Nico, ‘te Pam. Dapat sabihin mo sa kanya na may iba nang gusto si ate Yumi, matagal na nating ini-exploit ang pitaka niya baka karmahin na tayo.”

            Siguro dapat na niyang sabihin kay Nico ang nalalaman niya, tinamaan kasi siya sa sinabi ng kanyang assistant. 


<3 <3 <3

TBC

*PHOTO CTTO

LOVE,
INANG

About Me

My photo
iamyourlovelywriter is a science teacher who loves to read, write, surf the net and EAT. She also loves to travel and just write anything under the sun that fancy her. English is not her first language, she's a Bisaya by heart and loves to write romance novels in Tagalog. Her favorite part of her updates are her A/N or Author's Note. So, her blog is more on an elongated version of her a/n, p.s, and pps.
 

The House of Ink Template by Ipietoon Cute Blog Design and Bukit Gambang